လည်ချောင်းတစ်လျှောက်ခြောက်သွေ့ကာရေဆာသလိုဖြစ်လာတာကြောင့် မဟာ မျက်လုံးကိုအသာဖွင့်ရင်းထဖို့ကြိုးစားလိုက်မိ၏။
"အ...ကျွတ်...ကျွတ်"
သူ့ခေါင်းတခုလုံးမှာအုံခဲနေပြီးခန္ဓာကိုယ်ကြီးမှာလှုပ်မရအောင်နာကျင်လွန်းနေတာကြောင့် မဟာ ဆက်မလှုပ်ရှားသေးဘဲသူ့နံဘေးကိုစောင်းငဲ့ကာကြည့်လိုက်ရာ
"Angel"
"........."
ဖိုက်ဘာရေဇလုံလေးကိုဘေးမှာချပြီးခုတင်ပေါ်လက်တင်ကာမှောက်ခုံအိပ်ပျော်နေရှာသည့်အသဲခရာလေးကိုကြည့်ပြီး မဟာ့ ရင်မှာဂရုဏာမိုးတို့စွေလာရသည်။
"တညလုံးဒီလိုအိပ်နေတာလား...အအေးမိတော့မှာဘဲကွာ"
နာကျင်နေသည့်ကြားမှစိုးရိမ်ပူပန်မှုတွေကြီးစိုးလာတာကြောင့် မဟာ လူးလဲထရင်းအနွေးစောင်လေးဖြင့်ချစ်ရသူနွေးထွေးစေရန်တယုတယလွှမ်းခြုံပေးလိုက်လေသည်။
ထို့နောက်ရေဇလုံကိုစားပွဲပေါ်သို့ပြောင်းတင်လိုက်ကာနှစ်ခြိုက်စွာအိပ်မောကျနေသောချစ်ရသူလေးကိုအကြင်နာလျှံနေသည့်မျက်ဝန်းညိုကြီးဖြင့်တစိမ့်စိမ့်ကြည့်ရင်းချစ်ရသူ့ဆံနွယ်နုနုလေးတွေကိုတမြတ်တနိုးပွတ်သပ်ပေးနေမိ၏။
သူ့ကိုပြုစုပေးရင်းပင်ပန်းပြီးအိပ်ပျော်နေရှာတဲ့ချစ်ရသူလေးကို မဟာ အချစ်တွေတိုးရပြန်ပြီပေါ့။
"အ...ကျွတ်"
သူလှုပ်ရှားလိုက်တိုင်းဝမ်းဗိုက်နှင့်ကျောပြင်ပေါ်တွင်စူးသက်စပ်ဖျဥ်းနေသည့်ဝေဒနာကြီးကြောင့် မဟာ မျက်နှာကြီးကိုရှုံ့မဲ့ကာစုပ်သပ်လိုက်မိသည်။
ခန္ဓာကိုယ်အနှံ့တစစ်စစ်ကိုက်ခဲနာကျင်နေတာကြောင့်နာနေသည့်နေရာကိုအသာစမ်းကြည့်လိုက်ရာအနာကိုဆေးလူးပေးထားကာအဝတ်ပါးစဖြင့်ဖွဖွလေးစည်းနှောင်ပေးထားလေသည်။
"အဟွန်း"
တွန့်ကွေးသွားသော မဟာ့ နှုတ်ခမ်းကြီးမှာကျေနပ်ရိပ်တို့ကထင်းကနဲ။
"အဆိုးလေးကခုလိုကျတော့လဲဂရုစိုက်ရှာသားဘဲ"
အနာပေးပေး၊ဆေးပေးပေး ချစ်ရသူပေးလာတဲ့အရာမှန်သမျှက မဟာ့ အတွက်တော့ကျေနပ်ဖွယ်ရာများပင်။
VOCÊ ESTÁ LENDO
🔥ခြွေ🔥
Romanceမင်းမျက်ရည်တွေကငါ့ရင်ကိုအေးချမ်းစေတဲ့မိုးဘဲ ငယ်ဆူးခက် တုနှိုင်းမဟာ နာကျင်မှုကြောင့်ကျတဲ့မျက်ရည်စက်တိုင်းမှာအငြိုးတွေသိုဝှက်ထားတယ်ဆိုတာခင်ဗျားကိုသိစေချင်တယ် ငယ်ဆူးခက်
