မတ်လနေကပူပြင်းလွန်းတာကြောင့်ပေါ့ပေါ့ပါးပါးအင်္ကျီနဲ့ဘောင်းဘီကိုသာ ခြွေ ရွေးချယ်ဝတ်ဆင်လိုက်ပြီးအပြင်သို့ထွက်လာခဲ့လိုက်သည်။
အပြင်ထွက်လိုက်တော့မှနေအရှိန်က ခြွေ ထင်ထားတာထက်ကိုပို၍ပူပြင်းလို့နေသည်။
သည်လိုအပူချိန်မျိုးနှင့်ကား Air Corn ကိုလဲသူအရမ်းမဖွင့်ရဲ။
အခန့်မသင့်လျှင်ဦးနှောက်သွေးကြောပြတ်သွားနိုင်သည်။
နဖူးစပ်မှစို့တက်လာသည့်ချွေးသီးလေးတွေကို ခြွေ လက်ဖြင့်အသာသပ်ရင်း Super Market ရှိရာသို့ကားကိုမောင်းလာခဲ့လိုက်သည်။
Super Market သို့ရောက်သည်နှင့်ကားပါကင်တွင်ကားကိုထိုးထားလိုက်ပြီးစျေးဝယ်ရန်အတွက် ခြွေ Super Market ထဲဝင်မည်အပြု
"ဟိုမှာ Model ခြွေ မဟုတ်လား...ချောလိုက်တာဟယ်...ဖြူဥနေတာဘဲ...အပြင်မှာတွေ့တုန်းအမှတ်တရဓါတ်ပုံရိုက်သွားဦးမှ"
"..........."
"နင်ပြောတာဟုတ်တယ်...အပြင်မှာတွေ့ရတုန်းလေးမဖြစ်ဖြစ်အောင်ကိုဓါတ်ပုံရိုက်သွားရမယ်"
"..........."
"ကောင်မတွေဒါမျိုးကျသွက်နေကြတာ...ရိုက်မယ်ဆိုလဲမြန်မြန်လာဟေ့...ဟိုက Super Market ထဲဝင်တော့မယ်"
ကျွတ်စီကျွတ်စီပြောရင်း ခြွေ ရှိရာသို့ခပ်သုတ်သုတ်လာနေသည့်ကောင်မလေးတသိုက်ကြောင့်ဘေးနားတဝိုက်ကလူတွေပါ ခြွေ့ ကိုသတိထားမိလာသည်။
"အဲ့တယောက်ကဟိုနေ့က Fashion ဂျာနယ်မှာပါလာတဲ့ Model မဟုတ်လား...အပြင်မှာတော်တော်ချောတယ်နော်"
"..........."
"ဟုတ်တယ်လေ...ထိုင်းဒီဇိုင်နာရဲ့ဖက်ရှင်ပြပွဲမှာသူ့ကိုလူတော်တော်များများသတိထားလိုက်မိကြတယ်...မျက်နှာသစ် Model ဆိုပေမဲ့အရည်အချင်းကဝါရင့် Model အတိုင်းဘဲ"
အချိုပွဲတွေ့သွားသည့်ပုရွက်ဆိတ်တွေလိုသူ့အနားတဖြေးဖြေးဝိုင်းအုံလာသည့်လူတွေကြောင့် ခြွေ ဘာလုပ်လို့ဘာကိုင်ရမှန်းမသိတော့။
သူ့ကိုလူတွေခုလောက်ထိသတိထားမိလိမ့်မည်ဟုသူမထင်ထားခဲ့တာအမှန်။
"Model အချောကြီးနဲ့မေသက်တို့ဓါတ်ပုံတွဲရိုက်ချင်လို့ပါရှင့်"
أنت تقرأ
🔥ခြွေ🔥
عاطفيةမင်းမျက်ရည်တွေကငါ့ရင်ကိုအေးချမ်းစေတဲ့မိုးဘဲ ငယ်ဆူးခက် တုနှိုင်းမဟာ နာကျင်မှုကြောင့်ကျတဲ့မျက်ရည်စက်တိုင်းမှာအငြိုးတွေသိုဝှက်ထားတယ်ဆိုတာခင်ဗျားကိုသိစေချင်တယ် ငယ်ဆူးခက်
