သူ့ရှေ့ခပ်လှမ်းလှမ်းတွင်ရှိနေသောအသွင်သဏ္ဍာန်လေးကိုကြည့်လျှက် မဟာ ၏အသက်ရှူနှုန်းတွေမှာမြန်ဆန်လာရသည်။
သူအမြင်မှားတာတော့လုံးဝမဖြစ်နိုင်။
ထိုသဏ္ဍာန်လေးသည်သူသုံးနှစ်လုံးလုံးလွမ်းဆွတ်တမ်းတခဲ့ရတဲ့ပုံရိပ်လေးဆိုတာသေချာသည်။
"Angle"
"..........."
လွမ်းမောသံကြီးဖြင့် မဟာ ရေရွတ်မိရင်းသူ့စိတ်တွေမှာဂဏာမငြိမ်ချင်တော့။
ငယ်ဆူးခက် ဖြစ်ဖြစ်၊Angel ဖြစ်ဖြစ်သူ့နှလုံးသားရဲ့စေစားရာကိုသာသူလိုက်လျောရတော့မည်။
အချစ်ဆိုသည့်အရာကသူ့အပေါ်နိုင်စားလွန်းသည်။
စိုးမိုးလွန်းသည်။
သူမှာရှိသည့်လက်ကျန်မာနလေးကိုတောင်ရှင်သန်ခွင့်မပေးချင်။
ခုလည်းကြည့်။
ကမူးရှူးထိုးဝင်တိုးလာသည့်ရင်ခုန်သံတွေကြောင့်တရေးနိုးထလာသည့်ချစ်စိတ်တွေကသူ့နှလုံးသားကြီးကိုနပူနဆာတိုက်လို့နေပြီ။
ဖြစ်နိုင်လျှင်ကားပေါ်ကဆင်း၍ချစ်ရသူထံအပြေးလေးသွားလိုက်ချင်ပေမဲ့ကားများကြပ်ညှပ်နေသောကြောင့် မဟာ့ အတွက်အခွင့်အလမ်းကမသာ။
"ဟူး"
"..........."
ရင်ပူမောကြီးဖြင့်ခြောက်ကပ်ကပ်သက်ပြင်းကြီးကိုမှုတ်ထုတ်ပစ်ရင်း မဟာ အကြံအိုက်နေရ၏။
မီးပွိုင့်မီးစိမ်းသည်နှင့်လားရာမတူရာဆီသို့ဦးတည်ထားသည့်ကားနှစ်စီးကအဘယ်သို့ဆုံဆည်းနိုင်မည်နည်း။
သူထိုသို့အဖြစ်မခံနိုင်ပါ။
သုံးနှစ်တာပတ်လုံးသူ့နှလုံးသားကြီးမှာချစ်ဆိပ်တွေနဲ့နာမကျန်းဖြစ်နေတာကြာပြီ။
ခုဖြေဆေးကလက်တကမ်းအလိုမှာရှိနေပြီဆိုတော့။
ဒီလိုအခွင့်အရေးကိုသူဘယ်လိုနည်းနဲ့မှလက်လွှတ်မခံနိုင်။
အကျဥ်းစံခဲ့ရသည့်သူ့အချစ်တွေကိုလွတ်လပ်ခွင့်ပေးမှဖြစ်တော့မည်။
"ကိုယ်...ကိုယ်မင်းလေးကိုထပ်ပြီးလက်လွတ်မခံနိုင်တော့ဘူး"
"............"
ဆောက်တည်ရာမဲ့စွာသူရေရွတ်မိရင်းထပ်မံဆုံးရှုံးရမှာစိုးသည့်စိတ်ကြောင့်ဇောချွေးများပင်ပြန်လာရသည်။
YOU ARE READING
🔥ခြွေ🔥
Romanceမင်းမျက်ရည်တွေကငါ့ရင်ကိုအေးချမ်းစေတဲ့မိုးဘဲ ငယ်ဆူးခက် တုနှိုင်းမဟာ နာကျင်မှုကြောင့်ကျတဲ့မျက်ရည်စက်တိုင်းမှာအငြိုးတွေသိုဝှက်ထားတယ်ဆိုတာခင်ဗျားကိုသိစေချင်တယ် ငယ်ဆူးခက်
