ကုမုဒြာဆေးရုံကြီးရှေ့ TAXI ကားထိုးရပ်လိုက်သည်နှင့် ခြွေ ကျသင့်ငွေရှင်းပေးပြီးဆေးရုံကြီးထဲအပြေးဝင်လာခဲ့မိသည်။
ဆေးရုံကောင်တာရှိရာသို့ ခြွေ တန်းသွားလိုက်ပြီး
"ဆရာမ...ဆရာမ ဒီမနက်မှဆေးရုံကိုရောက်လာတဲ့ Lemon ဆိုတဲ့ကလေးမလေးကဘယ်အခန်းမှာလဲဗျာ"
ခြွေ အလောတကြီးမေးလိုက်တာကြောင့်ကောင်တာစောင့်ဆရာမကဆေးရုံမှတ်တမ်းစာအုပ်ကိုလှန်ကြည့်လိုက်ကာ
"ဟုတ်ကဲ့...အထူးခန်း (အခန်း No.1) မှာပါရှင်"
"ကျေးဇူးတင်ပါတယ်ဆရာမ"
ခြွေ အလျင်စလိုပြောရင်းအထူးခန်းရှိရာသို့အပြေးတပိုင်းလာခဲ့မိသည်။
သမီးအတွက်စိုးရိမ်စိတ်ကြီးနေတာကြောင့် ခြွေ မောရမှန်းပင်မသိတော့။
"သမီး...သမီးလေးဆီကိုပါးပါးလာနေပြီနော်"
စိုးထိတ်စိတ်တပိုင်းနှင့် ခြွေ့ နှလုံးသွေးတို့မှာဒိတ်ဒိတ်တိုးနေရသည်။
ခြွေ့ အသက်ထက်ပိုချစ်ရသောသမီးလေးတစုံတခုဖြစ်မှာ ခြွေ အလွန်ကြောက်မိပါသည်။
အထူးခန်း
အခန်း( No.1)
ရှေ့မှာမြင်နေရသည့်ဆိုင်းဘုတ်ကိုကြည့်ပြီး ခြွေ့ ခြေလှမ်းတွေမှာပိုမိုမြန်ဆန်လာရသည်။
ခြွေ အခန်းထဲဝင်ရောက်လိုက်ချိန်မှာတော့
ဆေးရုံကုတင်ပေါ်မှာငြိမ်သက်စွာလဲလျောင်းနေသောသမီးလေးကိုကြည့်ပြီး ခြွေ့ မျက်လုံးတွေပြာဝေသွားရသည်။
"သမီး...သမီးလေး"
ရင်ကွဲသံကြီးဖြင့် ခြွေ မြည်တမ်းရင်းရင်ဘတ်ကအင်္ကျီစကိုလက်ဖြင့်တင်းတင်းဆုပ်ကိုင်လိုက်မိ၏။
သမီးလေးကိုကြည့်ပြီး ခြွေ့ ရင်ကြီးမှာကွဲထွက်လုလုပင်။
သားသမီးရဲ့နာကျင််မှုကိုအဘယ်မိဘကရှူ့စိမ့်နိုင်စွမ်းမည်နည်း။
သောကဖြင့်ရပ်တည်နိုင်စွမ်းမဲ့လာသော ခြွေ့ ကိုယ်လေးကို အန်တီထရေစီ ကအသာဝင်ထိန်းလိုက်ရင်း
"ခြွေ...စိတ်ကိုထိန်းပါကွယ်...သမီးလေးကသက်သာလာပါပြီ...ဆရာဝန်ကြီးကသေချာစစ်ဆေးပြီးဆေးသွင်းပေးထားလို့စောစောကဘဲအိပ်ပျော်သွားရှာတာ...ဝမ်းသာစရာက...သမီးလေးကလောလောဆယ်သွေးသွင်းဖို့မလိုအပ်သေးဘူးတဲ့"
YOU ARE READING
🔥ခြွေ🔥
Romanceမင်းမျက်ရည်တွေကငါ့ရင်ကိုအေးချမ်းစေတဲ့မိုးဘဲ ငယ်ဆူးခက် တုနှိုင်းမဟာ နာကျင်မှုကြောင့်ကျတဲ့မျက်ရည်စက်တိုင်းမှာအငြိုးတွေသိုဝှက်ထားတယ်ဆိုတာခင်ဗျားကိုသိစေချင်တယ် ငယ်ဆူးခက်
