လျှပ်တပြတ်ဆန်သည့် တုနှိုင်းမဟာ ၏အပြုအမူကြောင့် ခြွေ့ မျက်ဝန်းလေးမှာပြူးကျယ်လို့သွားရသည်။
"အွန့်...ခင်ဗျား"
"........."
ခြွေ့ နှုတ်ခမ်းလေးပေါ်ဖိအုပ်ကျလာသည်ပူနွေးစိုစွတ်သည့်အထိအတွေ့ကြီးကြောင့် ခြွေ့ မှာအသက်ရှူပင်မှားချင်ချင်။
ဂယက်ထန်လာသောအနမ်းလေပွေ၏တရှိုက်မက်မက်စုပ်မြိုမှုအောက်တွင်ဂျွမ်းထိုးမှောက်ခုံဖြစ်နေသည့် ခြွေ့ နှုတ်ခမ်းလေးမှာလွှင့်မြောရင်းမောရင်းဖြင့်ကမ်းပျောက်နေသည့်အလားပင်။
ကိုညှို့ တို့ရှိနေသည်ဟူသည့်အသိစိတ်ကြောင့်လဲ ခြွေ့ တကိုယ်လုံးမှာရှက်စိတ်တို့ဖြင့်ထူပူနေရသည်။
"အွန့်...ပြွတ်...လွှတ်"
"........."
သားရဲဆန်နေသောအနမ်းရိုင်းတွေကြားမှ ရှက်စိတ်အဟုန်ဖြင့် ခြွေ တွန်းထိုးရုန်းကန်ကြည့်ပေမဲ့ဘယ်လိုမှမရ။
ခြွေ့ ကိုယ်လေးကိုတင်းကျပ်စွာဖက်တွယ်ထားသောထိုသူ၏လက်တွေမှာမြဲမြံလွန်းနေသည်။
စွန့်ခွာဖို့ကြိုးစားလေတိုင်းကျွံနစ်လာသည့်အနမ်းရိုင်းတွေကြောင့် ခြွေ့ ဒူးတွေပင်မခိုင်ချင်တော့။
နောက်ဆုံးကြံရာမရစွာဖြင့်ထိုသူ၏ခြေဖမိုးပေါ်ကို ခြွေ ဖနှောင့်နှင့်ဖိကြိတ်လိုက်ရတော့သည်။
"အင့်"
"........."
"အ...ကျစ်!"
".........."
လွှတ်မြောက်သွားသောနှုတ်ခမ်းလေးကိုမကျေမချမ်းကြီးကြည့်ပြီးအောင့်သက်သက်ဖြင့်ညည်းတွားလိုက်သည့်ထိုသူ၏အကြည့်စူးစူးကြီးကို ခြွေ လွှဲဖယ်ရင်းခန္ဓာကိုယ်ချင်းအမြန်ခွာရပ်လိုက်မိ၏။
ရဲဥဥမျက်နှာလေးဖြင့် ကိုညှို့ တို့ကို ခြွေမဝံ့တဝံ့လေးလှမ်းကြည့်မိတော့အနေအထားခက်ပုံဖြင့်အားလုံးမှာမျက်နှာတွေကိုလွှဲထားကြသည်။
ခြွေ့ မှာရှက်လွန်း၍မျက်နှာကိုဘယ်နားထားရမှန်းပင်မသိတော့။
"အဟက်"
"........."
ပြီတီတီအကြည့်ပြီးနှင့်ခနဲ့တဲ့တဲ့ရယ်လိုက်သည့်ထိုသူကြောင့်နှုတ်ခမ်းစွန်းလေးကိုဖိကိုက်ရင်း ခြွေ မခံချိမခံသာဖြစ်သွားရသည်။
ဘယ်လိုလူမှန်းမသိ။
အရှက်နည်းနည်းမှရှိပုံမရ။
လူရှေ့သူရှေ့မှာမျက်နှာပြောင်တိုက်လွန်းသည်။
ခြွေ မကြည်မသာတွေးရင်းထိုသူကိုမှုန်တေတေနဲ့ဘုကြည့်ကြည့်ပစ်လိုက်တော့သည်။
YOU ARE READING
🔥ခြွေ🔥
Romanceမင်းမျက်ရည်တွေကငါ့ရင်ကိုအေးချမ်းစေတဲ့မိုးဘဲ ငယ်ဆူးခက် တုနှိုင်းမဟာ နာကျင်မှုကြောင့်ကျတဲ့မျက်ရည်စက်တိုင်းမှာအငြိုးတွေသိုဝှက်ထားတယ်ဆိုတာခင်ဗျားကိုသိစေချင်တယ် ငယ်ဆူးခက်
