မီးရောင်စုံကွန့်မြူးနေသည့်ရင်သပ်မောဖွယ်ရာည။
Red Ruby Hotel ခန်းမကြီးထဲတွင်တော့အရောင်အသွေးစုံနေသည့်ပန်းခင်းကြီးသဖွယ်သက်ဝင်နေသောအလှတရားတို့ဖြင့်ဖိတ်ဖိတ်ထလျှက်ရှိနေရ၏။
ထည်ဝါစွာပြင်ဆင်ထားသည့် Model Catwalk လျှောက်လမ်းကြီးမှာလည်းရောင်စုံမီးစလိုက်တွေကြားမှအံ့မခန်းနိုင်အောင်ဆွဲဆောင်လျှက်ရှိနေလေသည်။
Model Catwalk လျှောက်လမ်းကြီး၏တဖက်တချပ်တွင်နေရာယူထားကြသည့်ရွှေဧည့်သည်တော်တို့မှာလဲမကြာခင်စတင်တော့မည့် Fashion Show ပြပွဲကြီးကိုစိတ်အားထက်သန်စွာဖြင့်ငံ့လင့်လျှက်နေကြပြီ။
Hotel ဝန်းကြီးထဲသို့တစ်စီးပြီးတစ်စီးထိုးဆိုက်လာကြသည့်တန်ဖိုးကြီးကားများစွာထဲမှ 2023 ထုတ် Hyundai Elantra Hybrid ကားနက်ကြီးထဲတွင်တော့ အနက်ရောင်အနောက်တိုင်းဝတ်စုံကိုသပ်ရပ်စွာဝတ်ဆင်ထားသည့်ယောင်္ကျားပီသချောမွေ့ခန့်ညားနေသူတစ်ဦး။
ထိုသူမှာနက်ပြောင်နေသောဆံပင်ကိုပုံစံတကျဖီးသင်ထားပြီးထူထဲနေသောမျက်ခုံး၊စူးရှနက်မှောင်နေသောမျက်လုံး၊သြဇာလွှမ်းနိုင်မည့်ပိရိသေသပ်နေသည့်နှုတ်ခမ်းတစ်စုံနှင့်ခိုင်ခံ့နေသောမေးရိုးထင်းထင်းကြီးကခန့်ညားသောယောင်္ကျားတစ်ယောက်၏သွင်ပြင်ကိုပေါ်လွင်နေစေသည်။
Hotel မျက်နှာစာရှေ့တွင်ကားကိုထိုးရပ်လိုက်သည်နှင့်တဖျတ်ဖျတ်လက်နေသည့်ကင်မရာပေါင်းများစွာကကားတွင်းမှလူကိုစိတ်ဝင်တစားဖြင့်အသင့်စောင့်ကြိုလျှက်ရှိနေကြ၏။
ပွင့်ဟသွားသည့်ကားတံခါးနှင့်အတူကားထဲမှဝံ့ကြွားစွာကိုယ်ထင်ပြလာသည့်တည်ကြည်ခန့်ညားနေသောထိုသူ၏ရုပ်သွင်ကလူအများ၏အာရုံကိုတခဏတွင်းဖမ်းစားလိုက်တော့သည်။
"နောက်ဆုံးပေါ်ကားထဲကနေဆင်းလာတဲ့သူက မဟာကုမ္ပဏီ ရဲ့ CEO သူဌေး တုနှိုင်းမဟာ မဟုတ်လား...သူ့ကိုမြင်ရခဲတယ်"
"မဟာကုမ္ပဏီရဲ့ CEO ကြီးကချောလိုက်တာဟယ်...မင်းသားတောင်အရှုံးပေးရတယ်"
"တုနှိုင်းမဟာ ကဒီလိုပွဲတွေသိပ်တက်လေ့မရှိဘူး...ဒီပွဲကိုသူတက်တယ်ဆိုတော့ထူးခြားတာတခုခုရှိလိမ့်မယ်"
YOU ARE READING
🔥ခြွေ🔥
Romanceမင်းမျက်ရည်တွေကငါ့ရင်ကိုအေးချမ်းစေတဲ့မိုးဘဲ ငယ်ဆူးခက် တုနှိုင်းမဟာ နာကျင်မှုကြောင့်ကျတဲ့မျက်ရည်စက်တိုင်းမှာအငြိုးတွေသိုဝှက်ထားတယ်ဆိုတာခင်ဗျားကိုသိစေချင်တယ် ငယ်ဆူးခက်
