تُرَاب أمْشِير (مكتملة)

32- (رأسًا على عَـقِب)

متنسوش الڤوت فضلاً💙

.

.

.

_بس خلاص مش قادر، فيّصت

نبس زياد بكلماته وفمه لم يفرغ من الطعام بعد، بينما أمسكت ياسمين بقطعة أخرى من السمك وقالت :
_طب دي بس!

_لا لا كفاية

_اسمع الكلام!
نطقت أمرها بحدة وهى تحشر اللقمة بفمه رغمًا عنه، فطالعها بحنق ومضغ الطعام على مضض ثم قال بصوت مكتوم بسبب كثرة الطعام :

_دي اللى فرقت يعني؟

جهزت لقمة أخرى وهى تقول :
_انت قولت هتخلّصه كلّه أصلا، نفّذ كلامك ..

رفعت القطعة الثانية ناحية شفتيه، فأسرع يهز رأسه بالنفي أكثر من مرة مجيبًا :
_والله ما ...

لم تسنح له الفرصة لتكملة الجُملة ؛حينما وضعتها بفمه فورًا، فأزاح يدها بغضب وهو يغمغم باعتراض .. فيما جلست تضحك، ثم بدأت تلملم بقايا الطعام والمناديل وغيرها، وهى تقول :

_عشان تتغذّى وتخف بسرعة

_انتِ بتفطّسيني كدا مش بتغذّيني!

ضحكت ثم وضعت الطبق بالكيس ونهضت لتلقِ النفايات بالسلّة المجاورة للسرير، ثم شرعت بمسح يدها بمناديل مبللة وهى تقول :

_طب انا همشي بقى عشان متأخرش

أمسك بكوب الماء ونهض يقول :
_استني هوصّلك

شرب الماء وهو يستمع لها تعترض :
_لا طبعا انت مينفعش تتحرك من البيت دلوقتي

وضع الكوب الفارغ على المنضدة وهو يقول :
_ياستّي ما انا كويس عادي

ليتفاجأ بصوتها الغاضب يثير فزعه فجأة :
_بطل الاستهتار بتاعك ده متعصبنيش !!

فأسرع يقول :
_طب خلاص خلاص، مالك بقيتي عصبية كدا ليه؟

ثم أضاف :
_خلاص استني فخر لما يجي يوصّلك بالعربية

اتجهت صوب الأريكة لتحمل حقيبتها وتعلقها على كتفها :
_لا لا انا هطلب اوبر عادي

_مينفعش تروّحي لوحدك!

_هو انا صغيّرة يازيزو؟

واستطردت بضيق وعدم رضا :
_وبعدين انا ما صدقت بقيت حرة عن ماما شوية عشان تسيبني اتحرّك لوحدي .. انا اتعودت إنها معايا فى أصغر خطوة باخُدها وخلّتني مش معتمدة على نفسي ولا فاهمة حاجة فى الدنيا وده مش عاجبني، عايزة اتعود اعمل كل حاجة لوحدي بقى، عايزة احس إني كبرت شوية

هز رأسه بتفهم وأجاب بملل :
_مش فكرة صغيرة يا سو، فكرة قلق .. ما فخر الشَحط بقلق عليه بردو

ضحكت وربتت على كتفه وهي تقول :
_متقلقش هكلّمك أول ما اوصل .. يلا سلام

*
*
*
وقف فخر برواق المشفى منتظرًا خروج الطبيب، يستند بظهره على الحائط ويضع يديه فى جيوب بنطاله .. عينيه مثبتة بنقطة فارغة بالأرضية تعلن عن غرقه فى شرود تام ..