أستاذان وتلميذة🍒مكتملة🍒

🍒الجزء 22🍒

🍒أســتــاذان وتــلـــمــيــــذة🍒
🌞الجزء 22🌞
🍪نــريــمـان صــقــر🍪
أكرم بهدوء:شهاد تعطيلة
سارة:الدار بعيدة هستاذ
أكرم:مين دار بعيدة متجيش
سارة بنفاذ صبر:بغا نقرا هستاذ
أكرم حمر فيها:هانا غنشوف لقراية دخلي وسكتينا حسك
منسمعوش
حيد يدو ودخلات بلا ماتجاوب مخنزرة على الصباح ساعتین لفيزيك ونكير دحليمة صباح زین جلسات
فبلاصتها جیهان مجاتش تنهدات بقات بوحدها جالسة کتخربق فتيليفون حاطة قدامو لاطروس باش ميبانش وجالسة جنب مدرقاه عليه كان جالس على حافة
المكتب وكشرح لهم وهي مكايناش معاهم مكتسمع والو
أکرم بصوت عالي:سارة
سارة قفزات ورفعات راسها بشوية جیهتو باش متبینش
أكرم مخنزر:شكديري؟
سارة جراتو بيديها بشوية: والو
ناض قرب عندها هزات الدفتار حطاتو فوق منو دايرة راسها مكاين والو وقف عليها بغا يحيد الدفتر وهي
تحبسو:صافي هستاذ راه مكاين والو كمل لينا مبقاش
الحال
أكرم خرج فيها عينيه:هزي الدفتار
سارة بلعات ریقها ضعقها ليوم تیليفونها مبایتش معاها باينة: مکاین والو هستاذ
کرز على يدیه شاد فراسو مكحملش بنادم يتجاحد معاه
ويلعب ليه على اعصابو بنادم تتفرج باغي يعرف شغيوقع کشوفو الأستاذ تعصب حاجة عادية مع سارة لجالسة تجابد معاه هز لاطروس لاحو فالأرض خدا الدفتار تاهو شير بيه جيهة السبورة شاف التيليفون كحل بالعما
أكرم:جابك الله نت نبدا بيك باش لسخن عليه راسو وجبدو يتفرشخ قدامو لعندو شي خرشاش يخلیه فدارهم لنلقاه عندو نشخشخو قدامو
سارة قلبها تهز على تيليفونها لحيدات من لحمها وجمعات فلوسو من لفلوس لكتعطيها حليمة كخرجو لهم دباها ويجي هو يهرسو لا
مد يديه غيهزو وهی تشد فيه:لا هستاذ عفاك صافي والله
منبفا نجبدو غیر شفت شحال ساعة والله
بقا واقف مدار حتى ردة فيه هو کشوف فيها أول مرة تهضر بآداب وتبان خايفة شوية وعلاش لا وهي لتهرس معندها مین تجیب فلوسو خاصها عام وتاهي بحال
کراناتها متبغيش تعيش بلا طیلي نزل عينيه فيدها
كانت شادة فيه بيديها بزوج وكترجاه بعينيها حس بواحد الرعشة خفيفة جرات فجسمو کامل