أستاذان وتلميذة🍒مكتملة🍒

🍒الجزء 83🍒

🍒أســتــاذان وتــلـــمــيــــذة🍒
🌞الجزء 83🌞
🍪نــريــمـان صــقــر🍪
أكرم شاف فيها:ضرک راسك نت ولبنات دلیسي
سارة عقدات حواجبها:لا غير سولت حيت جينا للبارك وغادي نلعبو صافي
أكرم:29
ضارت عندو خرجات عينيها شاف فيها عرفها تصدمات غادي للثلاثينات: مالك؟
سارة:لا والو غير دابا غادي ترجع للطفولة ههههه
قالتها وهي تضحك بتاسم حتى هو ومشاو رکبو فاللعبة
كانت عبارة على قطار کجلسو فيه ستة زوج فكل بلاصة
مصافين كبداو يدخلو الواحد البيوت مضلمین وفيهم اضواء خافتة وفينما كدخل القطار كبداو يطلعو مونیکات هياكل عضمية مصاصي الدماء وككون الغوات فيهم وبحال صوت الأشباح (ناري فايتة راكبة فهاد اللعبة فيها ثلاثة المراحل مخرجت حتی سخفت بالخلعة خخ)
أكرم:واش عرفتي شنو کاین لداخل
سارة دارت الحزام:لا حتى ندخلو ونشوفو
أكرم حرك راسو باہ:مغتخافيش؟
سارة حركات راسها بلا:لا نت معايا مغنخافش
فاش سمع شنو قالت دار لها كانت کتضحك وفرحانة غتلعب بحال شي بنت صغيرة شنو قالت لداخل ديالو يتحرك قالت بلي حاسة بالأمان معاه وبصح محدها معاه عمر شي حاجة مغتأدیها بدات اللعبة وبدأ القطار كتحرك ودخل سارة مع الدخلة غير شافت داکشي بدات تتغوت
وحيدات السمطة بغات تنقز ولكن مخلاهاش
سارة كتغوت:وااااااااا لااااا نخرجو نخرجو هادشي كخلع هئ هئ هئ
أكرم شاد فيها:وغير صبري هاهو غادي يخرج دابا
کتسمع الغوات كخلع وکتشوف دوك المونیکات كمعلقين زادت خافت وخشات راسها فصدرو وتكمشات تخلعات هو دور يدو على ضهرها وخشاها فيه ضحك فنفسو عليها كانت متحمسة تلعب فيها غير دخلات ولات وحدة أخری کن دخلات بوحدها کن عواجت خخ بقاو هكاك حتى كملات اللعبة وخرجو كانت شادة فقلبها ومزال فيها الخلعة شاف فيها كان وجها صفر
أكرم:شفتي قلت ليك فالأول متمشيش
سارة تتنهج:ناري خفت کن دخلت بوحدي
أكرم:کن راه سخفتي تما
سارة مسحات عينيها من الدموع شافها هكاك كولات
صفرة
أكرم: نمشيو؟
سارة حركات راسها بلا:لا لا انا مزيانة
أكرم شاف فجيهة لوخرا عاود شاف فيها:اجي
مشات من وراه حتى وقفو عند مول الكلاص شافتو
ضحكات دغيا ثاني وشافت فيه بتاسم لها خدات شنو بغات وبقاو كضورو تما قاتلیه مزال تلعب خلاها على خاطرها مهم راه فرحانة و هادشي لبغا تكون ضاحكة
داز الوقت
کانو فلاسانسور متكية على الحيط وناعسة بقا کشوف
فيها عيات بزاف نقزات تشبعات بتاسم فاش تفکر كانت کتلعب وتحنقز فرحانة بحال مخرج معاه بنتو شافها على طبيعتها بروحها الطفولية المرحة تتصرف بعفوية وتتنقز وتضحك عارف داخلها مجروحة من جيهة والیدیها ولكن بغا ينسيها شوية ويفرحها وليوم شافها وحدة أخری کتضحك وكتقول مضحكتش کتنقز شي وقيتات نسات راه معاها وبدأت تنقز وتحنقز بحال هي الكاينة بوحدها وصلو وضار عندها مزال ناعسة نعسات فالطوموبيل غیر فیقها دابا هاهي ناعسة واقفة
أكرم حط يده على كتفها:سارة
سارة حلات عينيها نعسانين:ممممم
ودغيا رجعات سداتها هنا بشوية قرب لها وضور يدو على ضهرها وتحنا بشوية وهزها بين يديه حتى هي كانت مهدودة حطات راسها على صدرو وضورات يديها على عنقو كان طالع واحد البرهوش عطاه الساروت يحل حل ليه ودخلو