أستاذان وتلميذة🍒مكتملة🍒

🍒الجزء 37🍒

🍒أســتــاذان وتــلـــمــيــــذة🍒
🌞الجزء 37🌞
🍪نــريــمـان صــقــر🍪
جالس ويديه على ذقنو کتملس بشوية لحيتو وتتفرج حداه خوه الصغير عینیه فالتيليفون جات مو جلسات حداه فيديها البوم
کریمة:ولدي شوف كنت کنستف البلاكار وانا نجبد الالبوم دتصاور
بتاسم وخداه من عندها جا خوه حداه کشوف معاه وتضحكو على راسهم فالصغر
کریمة:شوف اعلي هدا نت كانت عندك ست شهور
تبارکالله كنت غليض و زوین
علي شاد فيها:كريمة علاش وليت خايب دابا؟
کریمة كضحك:ههههههه نت راك لغزال نت راك الفونون
شدات ليه حنكو وهو تضحك داير مع مو الخاطر بقاو تتفرجو فالتصاور حتی سول خوہ:شكون هادي الوليدة
کریمة شافت التصويرة وتنهدات ولكن هضرات عادي:
هادي رانيا بنت خالتك فاش يلاه تزادت وهدا علي هازها كانت عندك تلت سنين هنا اعلي
علي مشاو عينيه لها کشوف فيها صغيرة كالكميشة وهو هازها بين يديه وتضحك وكشوف فالكاميرة فاش يلاه تزادت دارلهم حالة باش يعطيوه يهزها وتلتاقطات لهم صورة من بعد سنين ها هو شافها وتفكرها فوقت لبعاد بزاف على بعضياتهم ميمكنش يتلقا بيناتهم حتی السلام حيت لوقع کسر اي حاجة بيناتهم ومزقها تنهد وحط الالبوم فوق الطبلة وناض لبيتو
حمید جلس: مالو؟
کریمة تنهدات:ولدي حاسة بيه مزال مضرور احمید من
جيهة بنت ختي
حمید:تانت یکون نسی غجاب لك الله
کریمة:اسكت احميد ولدي هداك وانا حاسة عاد مدوزش القليل ولوقع خايب
حمید:المكتاب لدارها الله هي لكاينة
کریمة تنهدات:ونعم بالله
سمیر:شواقع الوليدة
كريمة:والو نوض تنعس غدا قاري على النبوري
جالس فبيتو عينيه مرکزین فواحد النقطة وساهي
فلاش باك#
رانیا کترعد: راني خايفة بزاف غیر سیر نت منقدرش
علي:دابا داکشی کامل لقلت ليك مشديتي منو والو
رانیا:وراني خايفة وحس بيا هانت شوف
خدات يدو وحطاتها على قلبها لكان كضرب بالجهد بالخلعة
علي:هدا کنبض بالجهد غير بالخلعة ولا علي قبلي أنا
غمزها وكضحك وهي ضرباتو ودلات قنوفتها فيها البكية:صافي بعد مني انا کندوي بصح ونت كضحك
قرب عندها وجرها عندو عنقها غطسات راسها فصدرو وكحس بقلبها كضرب بالجهد من الخوف والتوتر