أستاذان وتلميذة🍒مكتملة🍒

🍒الجزء 91🍒

🍒أســتــاذان وتــلـــمــيــــذة🍒
🌞الجزء 91🌞
🍪نــريــمـان صــقــر🍪
أكرم ضار عند سارة:متحرکیش من هنا انا جاي
سارة:دابا هو غادي يحساب بلي كاينة شي حاجة خايبة
پاك
أكرم:متخافيش مكاین والو انا جاي دابا
مشا کجري هي جلسات وشدات فراسها شهادشي وقع باينة غيوقع شي مشكل مبغاتش يفهم غلط علي ياخد عليها نظرة خايبة وميتخاصمش مع صاحبو تنهدات ورجعات شعرها اللور ومتوترة جالسة على أعصابها بغات أكرم غیر امتی یرجع
نزل معصب وممتوقعهاش رکب فالطوموبیل وکسیرا من بعد نزل حتى هو کجري رکب فالطوموبيل وتبعو كان غادي وكعيط ليه ولكن مكجاوبوش
أكرم تعصب:جاوب اصاحبي جاوب
بقا کعيط ليه حتى جاوبو
علي:شکاین؟
اکرم:بلا قصوحية الراس اعلي وقف
قطع عليه أكرم تعصب ولكن مزال باغي يهضر علي وکسوط مرة مرة كشوف فالمراية مزال من وراه ضرب فالفولو وهو يوقف حل الباب وخرج أكرم حتى هو وقف
وخرج علي ليه ودفعو
علي كغوت: اشنو بغيتي لاش مزال تابعني سیر سیر رجع كمل شنو بديتي
أكرم کشد فراسو:علي تهدن وسمعني راك معارف والو
علي: شنو غادي نعرف صاحبي وعشيري مع لبنت لکنت
کنهضر ليه عليها ديما معاه فالدار ومعرت شنو كديرو عارفني أنا الأول حطيت على سارة العين انا لکنت باغيها ولكن نت مشيتي من ورا ضهري لعبتي لها بعقلها وديتيها معاك علاش علاااااش
أكرم تنفس بعصبية مزال متمالك نفسو مبغاش يغلط بلا يشرح ليه كلشي ويعرف شنو کاین
علي معصب بزاف: مكنتش کنحسابك هكا شنو كانت کدیر عندك فالدار لوقت لكانت خاصها تكون فدارهم ولا حيت هي يتيمة معندهاش ليدافع عليها بغيتي تاخد منها شنو
بغيتي طلعتي غذار هأكرم ماشي فعايل الرجال هادو
أكرم مبقاش صابر لشنو کسمع على راسو هو دایر خیر فالبنت غادي يولي باغي يستاغلها وناوي عليها الخايب
مصبرش حتی شنق عليه
أكرم كارز على سنانو: صافي دويتي بزاف صافي كلشي غالط من غيرك ياك نت اصلا معارفش شنو باغي من أناني
دفعو وکمل هضرتو وهو حاقد على الوضع محملوش يقول عليه هكا: ساره كانت مليوحة فالزنقة لوقت لكنت نت مضارب مع راسك وكتقول علاش رانيا خلاتني انا لطلاقيتها وديتها معايا ومخليتهاش فالزنقة ونيتي صافية من جيهتها ونت کنت کتفکر تولي معاها على قبل راسك باش تنسيك فوحدة خلاتك ست سنين هادي كنت باغيها
لراسك باش تكون فرحان وكانت غادي تعلق بيك فالاخير غتصدم حيت هداك لكان حاط عليها العين کدوز بيها الوقت باش يرتاح نفسيا
زاد قرب ليه كثر وهضر:ها شكون دابا لغيستغلها ولكن
کون هاني محدي انا عايش عمرك مغتقرب ليها وعمر هادشي مغادي يوقع نت اصلا معارفش شنو باغي حتى
طلع فيه ونزل ومش عاود ضار راسك ممتحكمش فيه
خنزر فيه ومشی جیهتو:ومن اليوم نسا راك كتعرفني
رکب فطوموبيلتو وکسيرا علي بقا واقف وكلامو كضور ليه فراسو مسح على شعرو وركب حتى هو بالطوموبیل وبقا جالس كفکر شنو قال ليه أكرم وشنو قال ليه حتی هو تعصب وتصدم مین شافها معاه فالدار وهو مقال ليه والو حس راسو بلي غذرو ولكن الهضرة لقال ليه هو كان معصب ومکانش ناوي يقولها ليه حيت تعصب بزاف وزاد مین هو ديما کهضر ليه عليها فاللخر يكون واقع هادشي كامل وهو مفراسوش تنهد ومسح على وجهو ورجع الكوسان للور وبقا كفکر