أستاذان وتلميذة🍒مكتملة🍒

🍒الجزء 132🍒

🍒أســتــاذان وتــلـــمــيــــذة🍒
🌞الجزء 132🌞
🍪نــريــمـان صــقــر🍪
تكعدات وهي تتفوه وتكسل الشفنجة ولات حدا ودنیها نازله وكتقاد فشعرها الفوق وعينيها مغمضين حتى نزلات
سارة تفوهات:سلام کدوزتي
بنت خايفة:وغير سکتي قفرتها حصلت وخدا لي التيليفون
سارة:ونت مكتعرفيش تنقلي اصاحبتي مهم انا لعليا درتو
بنت:واختي انا برأسي معرفت کدرت وهدا مزیرنا شحال قلت لا ولكن تشجعت ساعة حصلت دابا راه قالي جيبي هاديك لكانت کتسيفط لك وراه هو لعيط لك ناري
سارة:وصافي غدا نمشي معاك مالو كقطع الريوس اويلي
بنت:راه قفرتها اساطا هدا راه مكتعاتقش وخدا لي تيليفون شغنقول لبابا
سارة:وصافي لقال لك شي حاجة قولي ليه خسر ليا وخليتو عند سارة تصايبو لي وغدا غنمشي معاك غحيدي لخلعة ولاغتفرشي راسك
بنت:صافي الله يحفضك
مشات لبنت وطلعات هي كتبتاسم تاهي شحال دوزات هاد الستونات دالنقلة ولكن مكانتش كتحصل فالباك جمعات راسها تنهدات دوك الأيام كانو زوینین میرجعوش أيام الليسي
حليمة فرحاانة:واوليدي حمودة شهر جاي غادي يجي
سارة جلسات: مزيان على سلامتك وسلامتو
حليمة فرحانة:وراه تزوج بشي طاليانية وحاملة هههه
سارة:ايوا مبروك اللالة هه
حليمة:حمدالله ربي کبیر
سارة تنهدات بتاسمات شوية فعلا ربي كبير هو لديما واقف معاها ومتخلاش عليها كتحمدو وكتشکرو أنها بصحتها
وعايشة مخارجاش لشي طريق خايبة حمداتو وشکراتو فداخلها وناضت
نهار جديد
واقفين فالليسي کتشوف وتدور عينيها فيها فعلا تبدلات ملقات حتى حد كتعرفو كلشي مشى لنجح ولمکتابش ليه وخرجةتنهدات تفكرات مصايبها وتلت سنين لدوزات بتاسمات وهي كتشوف دوك الايام میرجعوش فعلا احسن ایام حياتها تاتجي تضحك وتفوج وتضارب كلشي كانت دايراه هنا تنهدات الوقت دغيا كدوز وفرمشة عين
سارة:واش مطالعینش؟
بنت:وغير صبري ايصوني ونمشيو عندو
سارة:هاحنا كنتسناو بدلو المدير ولا باقي حمد؟
بنت:حمد مشي داك العام جات مديرة
سارة:حمد الرجولة كن كانت بنادم كتقراي عند رانيا مولات الفرونسي
بنت بتاسمات:اه ضريفة حتى رجلها ضريف قريت عندو السانكيام
سارة:مزيان
صونات وكلشي خرج ومشاو طلعو بزوجات وقفو قدام القسم
بنت:عفاك اسارة راه كتعصب وتانت مساهلاش لقال ليك شي حاجة متراضيش معاه
سارة تكات على الحيط وحركات راسها باہ:وغیر طلقي طلقي
دقات بقاو واقفين كتسناو حتى تحل الباب سارة مشافتش فيه بقات متكية على الحيط الاستاذ غير شافت البنت خنزر
بنت:سلام هأستاذ هاي البنت جات عفاك صافي هأستاذ آخر مرة والله منبقا نعاود
ضار شاف فيها وحتى هي ضارت شافتو وهي تخرج عينيها وهو کشوف فيها مطلع حاجب ومصغر عينيها تتحلف عليها زعما تخشات وغرقات فحوايجها وتزنکات
أكرم ضار للبنت:صافي سيري نت لقسمك
بنت:والفرض؟
أكرم كشوف فسارة:غتعاودیه صافي
مشات كتجري وضار لسارة معرفات واش تهرب ولا تبقا واقفة حشمات ومركات بغات غیر فین تخبي وجها
أكرم:نت مبغيتيش تكبري فعقلك ؟
سارة مزال منزلة راسها:مدرت والو
أكرم:اه البرائة
سارة هزات راسها شافت فيه:غير بغيت نعاونها وصافي؟
أكرم:ونت غتكوني معاها فالوطني؟
حرکات راسها بلا وهي كتشوف فيه شغادي يقول ليها مبغاتش يقولها شي حاجة خايبة غير بغات تعاونها وصافي