أستاذان وتلميذة🍒مكتملة🍒

🍒الجزء 73🍒

🍒أســتــاذان وتــلـــمــيــــذة🍒
🌞الجزء 73🌞
🍪نــريــمـان صــقــر🍪
سارة:أستاذة مالك؟
رانیا:شنو كنتو کتقولو؟
سارة هزات كتافها وهي مفاهمة والو:والو غير على القراية علاش استاذة كاينة شي حاجة؟
رانيا زفرات وحطات يدها على راسها عاد حسات على
شنو دارت
رانیا:والو غير غير حيت کنتو فالقسم بوحدكم داكشي
علاش قلت زعما زعما مهم نت سيري تقراي متبقايش
ضوري
سارة حركات راسها باه ومشات وهي مفاهمة والو کتفکر هادي مالها وحتى كيفاش دارو ليها بزوج وحتی كيفاش كانو کهضرو مع بعضياتهم نوضو حرب فخمسة دقائق وحتی رانیا جاتها ماشي هي هاديك تاني مرة وهي كتسولها على علي و كيفاش دارت فاش كانو فالقسم مفهمات والو ومخرجات لحتی جواب
دازو ساعات
كانت العشية خارجة مع الربعة كانت الاستراحة وقفات
قدام باب القسم دقات ودخلات كان ككتب وقفات قدامو وهي مبتاسمة
سارة:أستاذ راه خارجة دابا نمشی؟
أكرم وهو ككتب مزال:لا غتسنایني حتی نسالي متمشيش بوحدك
سارة تصدمات اویلی غتبقى ساعتين:وفين هأستاذ
اکرم هز راسو فيها:هنا غادي تبقاي هنا فالقسم حتى
نسالي ونمشيو
سارة عينيها خرجو ناااري تزید ساعتين على الحصص لعندها فالفيزيك وهي صراحة معندهاش مع الفيزيك هادوك الرسميين وكدوزهم بزز خخخ
سارة بتردد:زعما هأستاذ م م منقدرش نخرج لبرا
ونتسناك مع ل ل لبنات راه نص فقسمنا كبقى تال 6
أكرم طلع حاجب:مع شکون؟
سارة بلعات ريقها وبدات تفتف:غير غير هنا مع لبنات
بقا کشوف فيها عرفاتو كفکر خاصو يخليها تخرج ضروري متقدرش تبقى ساعتين متهضر متحرك قاطعها فيهم وفكلشي وهي متقدرش تجلس بلاما تهضر
سارة كترغبو بعينيها:عفاك أستاذ
أكرم وقف:سارة سيري شدي بلاصة وجلسي معندك مديري
برا يلاه جلسي
عبسات وضارت مشات مقدراتش تقولو لا نخرج ضاعقها مشات حطات ساکھا وجلسات حطات يدها على خدها ساعتين ناري کغدوز ضار شافيها عرفها باغية تخرج ولكن میقدرش يخليها مسؤوليتو دابا خاص ضروري تبقا
قدام عينيه بدا كعمر القسم حتى دخل كلشي وقف قدام السبورة شاف وحدة هازة التيليفون:هالآنسة
اصافي تلداركم جمعي
دغيا جمعاتو آخر واحد خداه ليه مبقاش شافو ولكن تساهل معاها مخداهش لها مبغاش يحكر هاد لعشية مع قال لها جمعي التيليفون جات فبالو واحد الحاجة وتفكرها
أكرم:لعندو شي تیلیفون يحطو هنا
شي بدا کشوف فشي مفاهمين والو هو عرفهم بلي حساب لهم غياخدهم لهم:غیر حطوهم فاخر الحصة كلشي غياخد تیلیفونو بلاما دیرو ليه صیلونصيوه
كلشي ناض حط تیلیفونو فوق المكتب حتى سارة ورجعو جبد تیلیفونو وهما ساكتين بداو كهضرو بيناتهم علاما يبدا دوز واحد الآبيل وهو يصوني تیلیفون وسطهم هزات راسها فاش عرفاتو تیلیفونها شافت فيه لقاتو کشوف فيها
سارة: نجاوب هاستاذ؟
حرك لها راسو باه وناضت هزاتو يلاه ضارت تشوف شكون معيط وهي تبلع ريقها وشافت فيه هزات فيه عينيها وعاود نزلاتهم وطلعاتهم تاني وهي مصمرة بلاصتها وهو قال لها
تبعو وخرجو هو لعيط لها مقيدة نمرتو من نهار خداتها من عند صوفيا كاتبة عليه الاستاذ المخنزر نسات مبدلاتهاش وهي غادية بشویة جيهة تفکرات نهار عيطات ليه شبعو فيه معیار عرفاتو جبد نمرتها ليوم يجري عليها خرجات كان واقف خاشي يديه فجیابو وقفات قدامو منزلة راسها مهضراتش حتی هضر هو
أكرم:واش انا مزوج بيك وعندي معاك الولاد وهربت؟