🍒أســتــاذان وتــلـــمــيــــذة🍒
🌞الجزء 113🌞
🍪نــريــمـان صــقــر🍪
عليشد فيها:سمحيليا خلينا نساو لفات صافي
رانيا مقدراتش تحبس دموعها:ولكن راه انا کنعتارف بيها انا لدرت كلشي انت لتسرعت ومخليتکش دافع على رأسك هئ هئ هئ تعمیت مبقيتش کنفكر
علي تنهد ومسح لها دموعها وشد لها وجها بين يديه:صافي متبكيش صافي داكشي فااات خاصنا نزيدو للقدام ماشي نرجعو باللور لفات مخاصش نتفكروه
رانیا عويناتها دامعين:سمحليا اعلي
جرها ليه وعنقها كمسح ليها على شعرها:سمحليا تانت
رانيا بعدات شوية:محاقدش عليا ياك
علي ضحك:موحشك انا ونت ملقيتي باش تبدليني غير ببلال کان باه کجيبو تال الليسي حشومة كاع
رانيا كتمسح عينيها وضحكات:غير مشيتي وكركبتو
حطات راسها على صدرو تنهدات براحة ممصدقاش فرمشة عين تصلح كلشي توحشات حضنو توحشات ريحتو توحشاتو هو طلعات عينيها فيه وبتاسمات توحشات حضنو توحشات ريحتو توحشاتو هو طلعات عينيها فيه وبتاسمات
رغم كلشي وقع دغيا تصالحو واخا هي لكانت خاطئة زربات عليه ولكن دابا رجع كلشي بعدات عليه شوية وهو رجع خصلة من شعرها اللور وطبع قبلة على راسها ممدينهاش فالناس إنما كبانو لبعضياتهم غیر هما لكاينين
علي: شنو غنديرو دابا؟
رانيا باستفهام:شنو؟
علي غمزها: باغي نتزوج
رانيا ضورات وجها:تزوج
علي:باقي ملقيتهاش
رانيا شافت فيه طلعات حاجب:وانا شکندیر
بدأ كضحك وهي تزنكات محساتش فاش قالتها بدات تاهي كضحك على راسها حتى قرب عندها وهمس لها فوذنيها
علي نيشان: تزوجي بيا
تلفتات ليه مبتاسمة نزلات راسها وتزنكات مقالت والو
علي: السكوت والضحيكة والتزنيكة اذن؟
رانيا مزال منزلة راسها:اه
باسها فراسها ثاني وهز حتى يديها باسها لها وهي غير ساكتة ومزنكة حسات بحمل ثقیل تحيد عليها حسات بالراحة حسات بقلبها فرحان بزاف و حتی هو کشوفيها
مکرهش دابا تكون ليه صافي تحل كلشي ورجع كلشي کيف کان متفکروش ست سنين دالفراق نساو كلشي وبغاو يزيدو القدام
رانیا:اه علاش مشيتي عند سارة
علي كرز لها على يديها:سارة انا بغيت نعاونها حيت عارف ظروفها وراك تانت عارفة
رانيا بتاسمات:نعاونوها بزوج
ضور يدو على كتافها جرها عندو حطات يدها على صدرو وتنهدو براحة بزوج
دازو أيام طایرین جات وقت القراية كانت خارجة من الحصة الأولى دیال الدورة الثانية مشات نيشان للقسم الحصة الثانية شافتها سلمات عليها زوج سیمانات
مشافتهاش
رانیا:گدایرة لباس عليك
سارة:حمد الله ونت
رانیا:حمدالله ایوا علاش کنعيط لك مكتجاوبيش
سارة:كنت بدلت النمرة مع فورماطيت التيليفون مشاولي کاع النوامر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
أستاذان وتلميذة🍒مكتملة🍒
Romance💎مكتملة💎 🌸قـــــصـــــة كـامــــلـــــة🌸 ⛄قصة مدرسية كوميدية كلها مشاكسات وصراعات بين الاستاذ والتلميذة ولكن وسط هادشي كامل غينفاجر حب شبابي بريء بين زوج الأساتذة على تلميذة وحدة فشكون غينتاصر الحب ديالو وغتكون من نصيبو وياترى شكون فيهم غتبادلو...
