أستاذان وتلميذة🍒مكتملة🍒

🍒الجزء 45🍒

🍒أســتــاذان وتــلـــمــيــــذة🍒
🌞الجزء 45🌞
🍪نــريــمـان صــقــر🍪
ضار عندها مخنزر:بلا ما نبقاو نکترو الهضرة راك عارفة شغدیري بلا تفرعي ليا دماغي
سارة قربات عندو:أستاذ عافاك غير سمعني نشرح لك شنو کاین عفاك
أكرم زدح لباب وخرج عندها شدها من يدها وكرزعليها:شنو غادي نسمع شنو دايراها قد راسك وجاية جايبة معاك برهوش قدك يهضر عليك شهاد المرض هدا لمكنتيش باغية تقراي متجيش تصدعيني خليني معاك زوین مزال لدابا راني صابر عليك نت بالذات غنولي معاك فشي حاجة ماشي تلهيه
ودفعها تقسحات شوية فيديها ولكن مزال باغية تهضر وتقولو شنو کاین
سارة عاود قربات عندو:أستاذ عفاك غير سمع
أكرم زفر:راه دويت معاك سيري لداركم وانا باك غنطلاقاه
غنطلاقاه بخبارك ولا لا باش يعرف بلي بنتو دایرة المدرسة سبة كتجي تعكر فيها وعلام الله فين كتمشي من ورا ضهرو
سارة دغيا عينيها نفاجرو بالدموع حيت من الصباح وهي صابرة لهضرتو وهو تدوي بلا فرانات
سارة عينيها دغيا غرغرو تحت نظاظر وهضرات بصوت باكي:بابا هأستاذ أنا براسي منقدرش نشوفو حيت حيت اصلا مكاينش مشى هئ هئ او او حتى ماما مشات معاه مشاو بزوج شدو الطريق لغنشدوها كاملين وسبقوونا مكاينينش استاذ ومعنديش أصلا ليجي يهضر معاك حيت حيت اصلا انا بوحدي فهاد الدنيا جبت ولد حومتي يهضر معاك باش تخليني ندخل راه لمدرسة هي الحاجة لوحيدة لكتخليني نسى شنو عايشة
حطات يديها على فمها تتحاول تمالك نفسها وهي تتشهق وعاود ثاني حيداتها وشافت فيه ودموعها نازلين:عفاك استاذ سمحليا دابا وخليني ندخل راه والله مكاينين والا متيقتينيش يلاه نزلو عند حمد المدير وسولو هئ هئ
کتهضر وتمسح دموعها لنازلين تحت النظاظر لمحبسوش وتتحاول تمالك نفسها وشهقاتها داخلين فهضرتها حيت هاد الهضرة لكتقول ليه كتجرحها بزاف والیدیها مكاینینش معاها ولكن شنو غدير هادي الحقيقة والمكتاب حيدات
النضاضر من عينيها وجرات بكم طريكوها العكر لكانت
دایرة بان جنب دیال شفايفها زرك حيت دقة دالطبلة
جاتها فخدها ومسحات حتی من عينيها واخا متحیدش
الماكياج خاص تمسحو بالمزيل ديالو ولكن بانت عينيها لزركة نیت دقة ديال الصح بدات تتهضر وهي تتبكي دابا:
مکنديرش الماكياج هأستاذ باش نمشي ندير شي حاجة خايبة كنديرو على قبل باش نغطي هادشي حيت كل مرة وجهي مضرووب
بقا کشوفيها صدماتو نیت بھضرتها أنها يتيمة مين شاف وجها تصدم کثر مین جاها هادشي وشكون يقدر ولا يتجرأ يهز على بنت يدو ويدير فيها هاد الحالة
أكرم بهدوء:شکون دار فيك هاد الحالة؟
سارة تتمسح دموعها:ماشي مهم شكون المهم هو خليني ندخل هأستاذ وسمحليا
قالتها وهي تتشوف فيه وترجاه بعويناتها و ديك سمحليا خلاتو يتهز کامل قالتها بصوت حنين لباكي لتعاود ليه فوذنیه مرة أخرى