🍒أســتــاذان وتــلـــمــيــــذة🍒
🌞الجزء 97🌞
🍪نــريــمـان صــقــر🍪
داخلة بشوية للحومة دموع فعينيها ساكها فيديها كدور فعينيها فالحومة لرجعات ليها تاني شافت حتی شي عیالات کشوفو فيها باينة كهضرو عليها مداتهاش فيهم
ومسحات دموعها وقفات حدا الدار وعلات فيها عينيها
وهمسات:هنا بلاصتك هنا فين خاصك تكوني
هزات ساکها وطلعات وهي محطمة نفسيتها مريضة وحزينة باغية غير تبكي دقات الباب حلات لها غير
شافتها ضحكات
حليمة:مرحبا مرحبا ببنتي دخلي
دخلات سلمات عليها وستقبلاتها متقولش هادي هي حليمة لاخر مرة شافتها كانت كتعاير فيها وجرات عليها دخلات جلسات وهي تتهضر معاها ولكن سارة مرفوعة کتشوف كلشي تبدل دغيا حسات أنها كانت عايشة فحلم زوين وفاقت منو دابا تنهدات وهي حاطة يديها على راسها
حليمة شافتها ماشي هي هاديك: مهم انا نخليك ترتاحي
من تفيقي نمشيو للحمام صافي؟
سارة تكات:صافي انشاءالله
نهار جديد
كانت خارجة من الإدارة دارت فوطوكوبي على شي وراق شافتو واقف مشات لعندو
رانیا مبتاسمة:أستاذ كدایرة لباس فوقاش جيتي
أكرم:حمدالله ااستاذة يلاه جيت غير البارح
رانیا:اه ايوا مزيان وصافي موضوع الانتقال مؤكد؟
أكرم حرك راسو باہ وتنهد:اه بقاو ليه غير شي حاجات نقادهم هنا ونت بعد غنمشي
رانيا تنهدات وبتاسمات:انشاء الله نطلاقاو فاللخر العام
أكرم بتاسم:انشاءالله
رانیا:أستاذ بغيت نهضر إلا كان عندك شوية الوقت من بعد
أكرم:اه واخا ماشي مشكل صافي من هنا ساعة غنسالیو
رانیا:اه صافي واخا شكرا
فبلاصة أخرى
سلوی تتعيط:سارة سارة سارة
سارة حلات السرجم وطلات:سلام
سلوى: نزلي نزلي
سارة:واخا تسناي
نزلات عندها وتسالمو
سلوی:سمعت غير بنات الدرب كقولو سارة رجعات رجعات
سارة تكات على الحيط:غير خليهم يدويو تانت مبقا هامني حد
سلوی:شواقع اصاحبتي شکاین علاش رجعتي من عندو؟
سارة حركات راسها بلا:والو حليمة جات عندي قاتلي رجعي للدار ملقيت مندير رجعت اصلا ميبقاش الأستاذ دایم لیا
اللهم نرجع مين جيت
سلوی:ناری ياساطا واتلاش راجعة للقهرة لاش الا كان مقال ليك والو كان عليك تبقاي
سارة تفكرات فاش غيمشي وكن بقات فدارو مغتعيش غتبقى غتبكي حيت دارو غتفکرو اي حاجة غتفكرها فيه
وهي معندها الجهد لتبكي مزال تقهرات
سارة حابسة دموعها:هو غادي يمشي لفاس مغيقريناش فالدورة الثانية هادشي لاش رجعت مغيبقاش فكازا
سلوى حطات يديها على فمها:ویلي ویلي وعلاش ناري ياصحبتي ولفناه غيجيبو لينا شي شارف يبدأ يلغط علينا
تفو
سارة بتاسمات وسط دموعها:اه ضريف وبزااااف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
أستاذان وتلميذة🍒مكتملة🍒
Romance💎مكتملة💎 🌸قـــــصـــــة كـامــــلـــــة🌸 ⛄قصة مدرسية كوميدية كلها مشاكسات وصراعات بين الاستاذ والتلميذة ولكن وسط هادشي كامل غينفاجر حب شبابي بريء بين زوج الأساتذة على تلميذة وحدة فشكون غينتاصر الحب ديالو وغتكون من نصيبو وياترى شكون فيهم غتبادلو...
