أستاذان وتلميذة🍒مكتملة🍒

🍒الجزء 119🍒

🍒أســتــاذان وتــلـــمــيــــذة🍒
🌞الجزء 119🌞
🍪نــريــمـان صــقــر🍪
حلات الباب ودخلات للدار مكانتش حليمة جات عينيها فوجها فالمراية وهي تقابل معاها وبتاسمات تنفسات براحة فرحانة براسها حيت وصلات لشنو بغات واخا بقا
ممتيقاش انها دوزات الوطني ونجحات معرفاتش کدارت كون كانو واليديها كاينين كانو ايفرحو بزااف تنهدات هزات يديها لسما:حمد الله ياربي حمدالله
رجعات شافت فالمراية وهو يجي فبالها مسحات الابتسامة من على وجها تفكرات كلشي رفضها لعرض الزواج ليه كان هو الصح بالنسبة لها
سارة كتشوف فالمراية:اه هادشي صحيح حيت انا ماشي لعبة يدخل فحياتي ويخرج وقتما حيت حتى انا بنادم وعندي كرامة نت قوية اه صبرتي سنين بلا ماماك وحتى باباك وغادي تصبري مزال وغتكوني مستقبلك انشاء الله بلا ميعاونك حتى حد نت قوية
زفرات وبتاسمات برضى على نفسها هاد القرار تاخداتو حيت غيريحها ومبقاتش بغات شي حاجة لتعيق لها راحتها وتزعجها عانات بیما فيه الكفاية صافي مبقاتش بغات دمعة تطيح منها
حليمة دخلات:اشدرتي ابنيتي
سارة حركات راسها باه وهي مبتاسمة حليمة طلقات واحد التزغريتة وبدأت تضحك و عنقاتها:مبروك عليك ابنيتي
مبروك
وعاوداتها بتزغريتة وهي تضحك وعاجبها الحال:ايوا متساليني واحد الزردة فاعلة تاركة
سارة:انشاء الله ههههه
حليمة:زيدي زيدي المسلسل غادي يبدا
دخلو للصالة يتفرجو بزوجات
فبلاصة أخرى
علي: فينك نت دابا
رانیا:وراه مین خرجنا من الليسي قلت لك غنمشي عند النكافة نسيتي
علي:اه صافي مهم تسالي عيطي ليا نجي عندك
رانیا:صافي
قطع وشاف فيه لقاه ساهي:مالك اصاحبي وضحك ضحك توالله تحاجة متستاهل
أكرم تنهد:اودي
علي:شنو کاین شفتك من جيتي الصباح ونت ماشي تاللهیه
أكرم شاف فيه:طلاقیت بسارة وهضرت معاها وطلبت منها الزواج
علي:ومزيان ياك شحال كتسنا هاد النهار
أكرم بتاسم باستهزاء: مبغاتش قالت ليا زوج كلمات انا باغية نكمل قرايتي ومشات
علي:كيفاش وسارة راه
أكرم قاطعو:كانت سارة تبدلات بزاف المشية ديالي لفاس بدلات بزاف دالحوایج
علي: أكرم متلومش راسك نت كنت مضطر تمشي وكنت مقاد كلشي فدماغك شوف شوف سارة ضربها على حسابي وعلى حساب رانيا
أكرم:هي كحساب لها خليتها وراه بصح انا حدرت راسي ومشيت تنعتارف بيها هي اصلا مكانتش عارفاني واش غنرجع ولا لا يعني أي حاجة كنت مخططها كنت دايرها
کنت کنبني ونريب بوحدي
رجع باللور وتنهد وهو كضورها فدماغو علي بقا تاهو كفکر معرف مايقول ليه
علي:مهم شوف كلشي غيتقاد انشاء الله انا متأكد نهار العرس غادي يرجع كلشي
أكرم حرك راسو بشوية باه ولا مزال كفکر ولا وتفكر بزاف وكاع داكشي لمفكر فيه مكانش مشی باتجاه معاكس وخرجات ليه حاجة أخرى