أستاذان وتلميذة🍒مكتملة🍒

🍒الجزء 63🍒

🍒أســتــاذان وتــلـــمــيــــذة🍒
🌞الجزء 63🌞
🍪نــريــمـان صــقــر🍪
سارة من كلامو حسات ان نیتو نقيه ومغیادیهاش وهي
محتاجة لي يساعدها دابا ولمکتاب لها مرحبا بيه معندها حتى خيار
سارة هزات راسها فيه ونطقات ببرائة:مغادیش نتقل عليك هأستاذ
أكرم حرك راسو بلا وبتاسم لها بلاما يحس شي لخلاها
ترتاح شوية من توترها
أكرم بصوت هادئ:متخافيش أنا معاك اسارة
حرکات راسها بشوية باه وهي كتشوف فيه وسهات واش هداك لكانت كدابز معاه فأول العام هو لواقف قدامها دابا الأستاذ لكرهاتو وكان قاسي معاها واش هو هدا لدابا كأكد بلي راه معاها ومبقاش يخليها فاقت من سهوتها على صوتو لقال لها يلاه حل لها باب طوموبيل وجا قصدها هز لها الساك غير ضار قادات شعرها دغيا وركبات طريق كاملة هما
ساکتین حتى وصلو شاف من الزاج حي راقي الصقيل
مكاينش حس بنادم ماشي بحال حومتها غتفركع بالبشار
فهاد الوقت نزلات وهي من وراه وهي تتشوف وساكتة وقلبها كضرب طلعو فلسانسور حتی وصلو حل الباب ودخلو
أكرم شاف فيها:مرحبا بيك خودي راحتك
سارة بتاسمات ابتسامة عريضة:شكرا
بتاسم لها وخرج يهضر فالتيليفون بقات واقفة كتشوف
فلاباغطومو كلاص وعصرية نقية كلشي مستف كلشي فبلاصتو فتح الباب كان هو
أكرم مد لها فلوس:سارة غادي يجي واحد من هنا نص ساعة عطيه هاد الفلوس
سارة خداتهم:اه صافي واخا
أكرم:المهم خودي راحتك حسبي الدار دارك
.سارة قربات عندو:شكرا بزاف هاستاذ معمرني غنسى هادشي لدرتي معايا والله
أكرم:هدا واجب أي واحد غادي يدير هکا
سارة محساتش حتى نطقات:لا الناس ماشي كلهم بحال بحال کاین بنادم شريبة دالما میعطيها لك بنادم مکرحمش
أكرم عرفها هادشي عاشتو وهاد بنادم لكتهضر عليه عاشت معاه مفيه لا رحمة لا شفقة حرك راسو باه وتنهد:المهم نخليك دابا تصبحي على خير
وهي ساهية فيه حرکات لیه راسها باه ومبتاسمة حتى سد الباب عاد فاقت من سهوتها
سارة:مشا اویلی غیبات فالزنقة؟
ضارت شافت السرجم طلات منو لقاتو يلاه تحرك بالطوموبیل جلسات کتفكر فين غيكون مشا
سارة:زعما يكون مشا عند ماماه وباباه؟
تکات وسرحات رجليها وتمرحات فوق الفوطوي ودارت
يديها ورا عنقها:ماشي كلشي يتيم اسارة
وخرجات تنهيدة ولكن تبعاتها ابتسامة عجبها الحال وحتى الدار زوينة حسات بالحرية لا سيمو يتقطع ویردخ البيبان لا حليمة تنكر تفکراتو هو وتفکرات فاش عيطو ليه وسبوه ضحكات وحطات يدها على راسها
سارة:الأستاذ ضريف الله يسمح لي منو
وجلسات تضحك بحال الحمقة نسات شوقع مع حليمة کتفكر غير الأستاذ دابا وشحال شكون قال غيوقع هادشي ویدیر معاها هكا ويخلي لها دارو باش تاخد راحتها شي حاجة نادرة هادي تنهدات مزال الناس ضريفين فهاد الدنيا ولفقلوبهم الرحمة والشفقة هادشي لكانت كتقول فدماغها حتى سمعات الدقان ناضت هزات الفلوس وطلات من الثقيبة دالباب وفتحاتو
الشخص: سلام الطلب ديالكم
سارة خداتها من عندو وعطاتو لفلوس: شکرا
الشخص: بالصحة
سدات الباب وهي تتشوف فالبيتزا بتاسمات غبوحدها
هادشي بزاف عليها حسات براسها مزيان خخخخ