أستاذان وتلميذة🍒مكتملة🍒

🍒الجزء 49🍒

🍒أســتــاذان وتــلـــمــيــــذة🍒
🌞الجزء 49🌞
🍪نــريــمـان صــقــر🍪
رانيا بتاسمات باستهزاء ونزلات راسها وعاود رفعاتو:فات الفوت ارباب على هاد الهضرة دابا كل واحد شد طریقو و هادي احسن حاجة ولفات مات وزيد بان بنادم على حقيقتو
ضربات فيها ومشات رجعات عندهم بقات جالسة تتفکر راسها شحال هادي کیفاش قدرات تدير لدارت وتوصلهم لهاد الحالة من ديما كانت كتشوفهم كيفاش دایرین بزوج متكدبش أنها كانت تتحسد رانيا بزاف وكانت تتمنى بشدة تكون بلاصتها وعلى يشوف فيها وهي كتعتارف دابا أنها رتاكبات غلطة فحقهم بزوج ومفکراتش ولكن حتى هي كتبقى إنسان وعندها قلب بغات لكتبغي يكون لها بطريقتها ولكن لوقع مکانش محسوب بالنسبة لها
دازو ساعات
أكرم:سمحيلي إلا خديت من وقتك ولكن ملقيتش
لنسول من غيرك
رانیا بتاسمات:مرحبا هاستاذ فأي وقت وأى حاجة كتخص الليسي انا موجودة حيت لفيها تلاميذنا بحال خوتنا ومن
مسؤوليتنا
أكرم: عندك الحق احم احم انا عيطت ليك بخصوص سارة مبشار هي تلميذة عندي وعندك حتى نت
رانیا حرکات راسها باه:آه او او عندها مشکل حتى معاك
ياك عفاك ااستاذ
أكرم قاطعها:كلشي تحل هضرت معاها ودابا راه تقدر تجي تقرا عادي مغيحبسها حد
رانیا حرکات راسها باه بشوية:انا شنو مطلوب مني؟
أكرم:انا شفت الحالة ديالها لبارح وبغيت نعرف عليها كلشي
هأستاذة عفاك وضروري
رانيا تنهدات: رانيا يتيمة ماماها توفات وهي عندها عشر
سنين وباباها مات فالصيف عايشة مع مرت باباها ولكن تقدر فأي لحظة تلوحها للزنقة بنادم مکرحمش وولد مرت باباها كل مرة مدابز معاها ومزرق لها عين سارة هاستاذ وحدانية فهاد الدنيا ومعرضة لبزاف دالحوایج خايبين هادشي علاش منزيدوش على مابيها ونكونو حتی قاسيين عليها الليسي هي المتنفس الوحید دیالها كتجي تقرا وتشوف صحاباتها ولكن من واحد الجيهة حتى هو مأثر عليها حيت كتشوف بنات قدها عندهم واليديهم وهي لا هادشي غيكون كضرها فخاطرها
أكرم تنهد وحرك راسو باہ:عندك الحق وحنا كاينين باش
نعاونوهم
رانیا:سارة وحدة من بزاف كل واحد وشنو كعاني ومعرفناش شنو مخبي فداخلو
اکرم:انا فكرت مزيان غنهضر مع المدير نديرو اجتماع مع الاساتذة وغنهضرو فهاد الموضوع ونقدرو نأسسو جمعية تابعة لمدرسة على ودهم وانا غنتكلف بكلشي