أستاذان وتلميذة🍒مكتملة🍒

🍒الجزء 90🍒

🍒أســتــاذان وتــلـــمــيــــذة🍒
🌞الجزء 90🌞
🍪نــريــمـان صــقــر🍪
ضار شافها مشات كتجري طلعات فالدروج واخا كتار طالعة و حاطة يديها على فمها بداو شهقاتها كخرجو حلات الباب ودخلات طاحت فوق الفوطوي وبدات تتبكي وتتشهق وتتخرج شنو كتحس فقلبها کتبكي بألم وكتمنى لو بكاها يبدل هادشي لواقع تمنات لو تحس انه کبادلها حتى هو نفس هاد الشعور لكتحس بيه تجاهو ولكن غير كيفاش كتعامل معاها عرفات شنو کاین جلسات وجمعات رجليها عندها وسهات ودموعها نازلین کتمسحهم بکمها بحال شي بنيتة صغيرة مقدراتش تصبر ثاني وتفركعات کتبكي وتشهق متكي على الباب مرض فاش سمع صوت بكاها عارفها علاش کتبكي بوذنيه سمع هضرتها كاملة فالقسم شنو قالت وحسات كيفاش كتعامل معاها ناقص هو دار هکا باش متعلقش بيه حيت حس بتصرفاتها كيفاش دایرین معاه وكتبدا تضحك وكتكون فرحانة معاه عرفها قلبها تفتح
ليه هو مبغاش هكا مبغاهاش تعلق بيه كثر وتصدم فالاخير ولكن كان متردد وكانت أول حاجة هي لمتبغيش تكون معاه ولكن لسمع ليوم وشاف عرف أنها حتى هي تتبادلو شنو كحس مبقاش قادر يسمع صوت بكاها وشهقاتها دق فالباب بالجهد
اکرم:سارة حلي
قفزات فاش سمعاتو دغيا جمعات البكية ومسحات دموعها ومشات حلات شاف فيها عينيها حمرين وحتی نیفها دخل بشوية وهو کشوف فيها:علاش كتبکي مالك؟
جلسات وحطات يديها على راسها لضرها بالبكى شافت
فيه وحركات راسها بلا
أكرم طلع حاجب:غير هكاك
سارة ناضت:اه انا جاية
ناضت للكوزينة دخلات حطات يدها على فمها كتبکي فصمت حطات يدها على البوطاجی ويديها على قلبها ومغمضة عينيها وتتنفس بالجهد حسات بیه جا ضارت ولكن بلا ماتمسح دموعها شافت فيه بعويناتها مدمعین
وحمرين ومزال کتهز بشهقاتها كان واقف فالباب
أكرم قرب لها:مالك
سارة بدات تتمسح دموعها:لا والو غیر
أكرم قاطعها:شنو
سارة نزلات راسها وهي تتمسح دموعها:توحشت ماما وبابا وصافي فينما كنتفكرهم کنبدا نبکي راك عارف
هزات راسها وبتاسمات وسط دموعها زاد قرب ليها وعينيه
فعينيها الدامعین عارف شنو بيها وشنو مخبية كتبکي عليه جرها عندو وعنقها هي تاني بدات تتبكي فحضنو عنقاتو وكرزات عليه بحال شي بنت صغيرة خايفاه ليمشي عليها كمسح لها على شعرها وكحاول يهدئها
أكرم:صافي اسارة صافي شووو
سارة بعدات شوية:انا ماشي بوحدي نت معايا ياك
أكرم حرك راسو باه وتنهد:اه وديما معاك صافي سكتي
مسح لها دموعها بيديه وبتاسم ليها باش يهدئها
مبغاهاش تبکي
أكرم: صافي سكتي دابا ديما كنقوليك متبقايش تبكي
سارة دغيا مسحات دموعها:صافي
حيد لها خصلة من الشعر على وجها وبتاسم کشوفها دغيا کدیرشنو كقولها تعلقات بيه بزاف شدها فيها من يديها وهضر معاها بشوية:اجي معايا
خرجو من الكوزينة وهي تتمسح دموعها تحل الباب
بشوية ودخل
علي:أكرم ديما الباب محلول اصاحبي
ضار غيتاجه للكوزينة ديما كلقاه فيها وهو يشوفهم قدامو سارة عينيها خرجو تصرفقات معرفاتو مین خرج علي تصدم مكانش متوقع تكون معاه كيفاش وعلاش وشنو كدير هنا هادشي لضار فدماغو أول مشافهم
علي عينيه عليها نيشان:سارة شنو كديري هنا؟
سارة لسانها تبلع معندها متقول أكرم براسو ساکت
ومقال والو
علي كقرب: أكرم سارة شنو كدير عندك ومن إمتى وكيفاش
توصلات عندك هنا جاوبني متبقاش ساکت فهموني شواقع
أكرم:علي جلس وغتفهم كلشي
علي نفاعل:شغنفهم اصاحبي شغنفهم واش
شد فراسو لهضرة تلفات ليه نزل عينيه شافهم مشادين هنا حرك راسو باه وشاف فأكرم:صافي فهمت
شنو كاين الله يعاونكم اصاحبي
ضرب فيه ومشی زدح الباب من وراه