أستاذان وتلميذة🍒مكتملة🍒

🍒الجزء 43🍒

🍒أســتــاذان وتــلـــمــيــــذة🍒
🌞الجزء 43🌞
🍪نــريــمـان صــقــر🍪
جمع يدو على شكل بوکس وغلق عينيه وهو كتفکرها کتبكي قدامو وهو كان غادي يعاون سارة قبل متقولو يتيمة ولكن مین عرف زاد اسرارو باش يعاونها ولكن رانيا تواجه معاها من بعد مدة طويلة بزاف كان كلىواحد شد طريقو فيها و هادي أول مرة تبكي قدامو ومیعنقهاش ويسكتها كيف كان حيت وهي قدامو کتبكي كان عايش صراع بين القلب والعقل لكان كمنعو ومخليه يتفكر شنو وقع والقلب لكان كقولو هادي راه رانیا حب حياتو الحب الأول لمدوزش معاها قليل ولكن فالاخير نتاصر العقل وخلاه يقولها هضرة هو براسو حسها قاصحة تنهد هادشي بزاف تجمع كلشي دقة مبقاش قادر یفکر تبلوکا هز التيليفون ودور لأكرم المرة الأولى التانية التالتة مكجاوبش بغا قضية سارة يفاریها دابا ولكن مكجاوبش
بنت 1:مصاحبین وتفارقو هادي مفيهاش الشك
بنت2:إياه مشفتيهاش خارجة كتبکي صافي فرتكوها
بنت 1:زیدي زیدي نشرو الخبر
نزلو هاد الزوجات معروفات بالتقاط الأخبار ونشرها خخ مخلاو لمن قالوها شاف التيليفون تصوني هزو وجاوب
على:الو
سمير:الو على دابا تحضر الوليدة فالكلينيك
على وقف دغيا:كيفاش شنو وقع؟
سمیر:معرفتش هاديك لساكنة حدانا قالتلي طاحت وتهرسات
علي شد فراسو:صافي صافي أنا جاي
هز السوارت دطوموبيل ونزل کجري والبنات کشوفو فيه
الإعجاب فعينيهم وحتى الخبار لسمعو كتشوشو بيناتهم
علمهم بلي غادي يخرج باش لعندو معاهم حصة يمشيو بحالهم بلا مايبقاو ومشى طاير
فبلاصة أخرى
كانت متكية كتفرج فالتلفازة وبالها مكاينش شنو جاي منهنا لقدام شنو مخبي لها محدها کتکبر وهي كتشوف الدنيا کتوریها لكخوفها ولصعيب عليها وبزااااف داخلة مخنزرة و وقفات قدامها:اتي غتبقاي مکسلة نوضي الكوزينة كلها مقربلة والنشير راه تقلا بهاد الشمس زوج سیمانات وهو منشور اتهزي
سارة ناضت وهي ساكتة مفیها ليتناكر ولا يتجابد لبسات صندالتها ومشات للكوزينة بدات تتغسل فالماعن