أستاذان وتلميذة🍒مكتملة🍒

🍒الجزء 41🍒

🍒أســتــاذان وتــلـــمــيــــذة🍒
🌞الجزء 41🌞
🍪نــريــمـان صــقــر🍪
فتحات الباب ودخلات كان جالس فالمكتب ککتب رفع راسو تلفت شافها حط ستيلو ووقف سؤال فراسو شنو سبب لخلاها تجي عندو هي محدها كتقرب وقلبها کضرب بالجهد عينيها فعينيه بلعات ريقها حیت حاسة أنها فأي لحظة تقدر تسخف ليه فيديه مدة متواجھو هكا ووقفو وجه لوجه داکشي باش جاتهم غريبة بزوج وقفات مقابلة معاه کتحاول متكرزش فعينيه
رانيا تتشجع راسها:احم أستاذ جيت بغيت نهضر معاك
على قبل واحد الموضوع الا مكان حتى إزعاج
علي حتى هو نفس شي بعد من جيهتها شوية وضور وجهو تلف وتصرفاتو ماشي فمحلها حيت مكانش متوقعها اتدخلات عليه:رانيا بلاصة الخدمة هادي
رانيا متكرهش دابا تفركع عليه يحسابلها جاية على ودو
ولكن على قبل سارة تصبر:عرفتها بلاصة الخدمة هادشي لغنقول كتعلق بتلاميذنا مجيتش على شي حاجة أخرى
علي جلس فطرف الطاولة وربع يديه وتنهد:کنسمعك
رانيا زفرات وغلقات عينيها عاود حلاتهم ونطقات:سارة
مبشار تلميذة عندي وعندك وعند حتى الأستاذ دالفيزيك واقع ليها معاه مشکل وقالها تجيب معاها شي حد
علي هز كتافو:اهاه وانا شنو دخلني فهادشي؟
رانیا:حيت هو صاحبك تقدر تهضر معاه يحل المشكل مع سارة حيت التقرير لدار لها حبسها تدخل عند أي أستاذ تتفك مشكلتها معاه
علي بنفاذ صبر:شوفي هأستاذة أنا والأستاذ أكرم أصدقاء ولكن الخدمة خدمة والصحبة صحبة وحتى إلا بغيت نتدخل هو مغيواقفش حيت كنعرفو مزيان صعيب فخدمتو ومکتساهل كنفضل نبقى بعيد وحتى نت تفضلي هأستاذة
ووقف مشی عطاها بالضهر غلق عينيه حس براسو تصرفق مبقاش على طبيعتو قدامها معرفش راسو مالو مفهمش رانیا كتشوف فيه وعاطيها بالضهر محساتش حتى عينيها تغرغرو الطريقة باش هضر معاها و كيفاش دغيا صدرها بقا فيها الحال شوية دغيا مسحات عينيها ومشات تقابلات معاه حاسة صوتها غيفضحها بلي راه فيها البكية ولكن شدات فراسها:سارة يتيمة اعلي معندها حد عايشة مع مرت باباها وولدها ولكن تتبقى وحيدة معندهاش شكون ليجي معاها يتفاهم مع صاحبك