أستاذان وتلميذة🍒مكتملة🍒

🍒الجزء 107🍒

🍒أســتــاذان وتــلـــمــيــــذة🍒
🌞الجزء 107🌞
🍪نــريــمـان صــقــر🍪
سارة مجاوباتش حدها تنهدات رانيا عرفات راسها زادت فيه رجعات شعرها اللور وزفرات: مهم سارة نخليك دابا من بعد ونهضرو انشاءالله
سارة:بسلامة
قطعات وحطات التليفون وناضت تقابلات مع لمراية کتمشط شعرها شافت التيليفون كصوني مشات تجاوب غير شافت شكون قطعات وحطاتو بغات ترجع.تكمل شکانت کدیر وهو يصوني تاني عاود قطعات وهي معصبة ودخلات مسحات نمرتو مبقاتش بغات تشوف سميتو قبل ماطفي التيليفون جاها میساج:علاش مبغيتيش تهضري معايا؟؟
شافتو وخرجات فكرات واش تجاوب ولا لا اخیرا دخلات
جاوبات:مکاین فاش نهضر
أكرم:علاش هادشي كامل اسارة بغيتي نرجع غنرجع
شافت الميساج تزعزعات تنهدات واخا يرجع مغيوقع والو من الأول میمشیش بکات و بكات ولكن دار لبغا من حقو حيت هي مكتعني ليه والو ومبيناتهم والو باش تحاسبو: واخا ترجع مغتبدل حتى حاجة مكاين لاش تخلي خدمتك وتجي حياتك هاديك وانا ماشي من حقي نحاسبك لكبقا بيناتنا هو أنك عاونتيني وكقلت لك مغنساش هادشي شكرا بزاف والله يعاونك❤
ختمات كلامها بقلب وطفات التيليفون جبدات النمرة وهرساتها ورماتها فالزبل وجلسات كأن شيئا لم یکن
سارة فداخلها: تحاجة متستاهل تحاجة لخلاك خليه حتی
نت
خبط التيليفون مین شافها قطعات وشاف حتی میساجها علاش كتقطع علیه ومخلاتو حتى يقولها شنو کاین وبلي غير تشد الباك ديالها غيرجع عندها هز ثاني التيليفون صونا لها مكتجاوبش زاد تعصب کثر کیقول ليه واحد الراس دابا ينزل عليها لكازا یوریها تقطع عليه کیف دایرة زفر بعصبية وهو كتمالك راسو کحاول يهدئ راسو باش يعرف كيفاش يتصرف دازو ساعات طاح الظلام
راكبة فطوموبيلتها معصبة غير عادية معرفاش فین مین قطعات معاها صباح وهي غير هازة شوكتها و باغية مع من كيفاش يمشي عندها تالدار كيفاش وعلاش كتعايرو فنفسها وتسبو
رانیا تتصوك ومعصبة:وانا اسي علي طوالو لك الرجلین تال الدار باغي تخطب ياك ایوا هادشي لبقا لك فقسني فقسني انا وطرطق لي مرارتي
تعاير ومرات كتقول ونت مالك خليه يدير لبغا علاش كتديري هكا بزاف دالمرات كطرح على نفسها هاد السؤال حتى نفاجرات: ماکاین لا نت مالك لا زعتر مايمشيش عندها اشبينو وبينها يحل مشاكيلو مع صاحبو شداه ليها انا لتفارقت معاه النهار الأول وانا للنقدر نرجعو تجي شي وحدة نقتلها هي وياه
سكتات وهي تتنهج غوتات بزاف وهضرات بزاف حطات يديها على راسها وتنهدات ولات تتهضر وتغوت غیر بوحدها
فاتت لحماق لهيه:أعوذ بالله من الشيطان الرجيم
نعلات الشيطان سارة معندها يد ولا رجل فهادشي معندها دخل لاهي لا أكرم مشکيلتها مع علي لمعرفاتش فين بغا يوصل
شافت التيليفون كصوني نمرة غريبة جاوبات: آلو
رباب:سلام رانیا كدایرة لباس
رانيا قبحات وجها إلا هادي ولكن جابها الله تبرد فيها
هوایشها:شباغا اختي نت لبقيتي ليا هاد الساعة شکاین؟
رباب:شوفي رانيا دابا غنساو كلشي وكاع لداز بغيت.نجلسو و نهضرو كأي زوج بنات من العائلة عندي شي هضرة مهمة خاص نقولها لك
رانیا:شوفي إلا كان غير على داك التبرهیش دیال الصغر
غیر بلاش مناقصاش هاد الساعة
رباب:هادشي مهم ارانيا لغنقول ممكن يبدل بزاف
دالحوایج