💎مكتملة💎
🌸قـــــصـــــة كـامــــلـــــة🌸
⛄قصة مدرسية كوميدية كلها مشاكسات وصراعات بين الاستاذ والتلميذة ولكن وسط هادشي كامل غينفاجر حب شبابي بريء بين زوج الأساتذة على تلميذة وحدة فشكون غينتاصر الحب ديالو وغتكون من نصيبو وياترى شكون فيهم غتبادلو...
🍒أســتــاذان وتــلـــمــيــــذة🍒 🌞الجزء 62🌞 🍪نــريــمـان صــقــر🍪 سارة خرجات عينيها وتسمرات بلاصتها:لا لا اختي مغنضورش سلوی تتشوف فيه قاصدهم وبدات تتبت فيها:معرفت شنو جاي يدير عندنا هنا أكرم وقف عليهم:سلام سارة قلبها بدا كضرب وركباتها واحد الخلعة تالشوفة مقدراتش ضور ليه من آخر مرة وقع لها معاه بدات تتحس أنها كتضعق من جیهتو سلوی بتاسمات:سلام هأستاذ أكرم:لباس؟ سلوی:لباس حمدالله أكرم شاف فيها:سارة لباس سارة ضارت شوية شافت فيه وضحكات بزز:لباس هاستاذ حمدالله شنو جیتي دیر هنا؟ سلوي نغزاتها:ههههه بغات تقول ليك مرحبا بيك فحومتنا أكرم بتاسم شوية:عندي واحد السيد من العائلة هنا ونتوما شنو مخرجکم دابا فين غادين؟ شافو فبعضياتهم معندهم میقولو ليه اصلا سارة هي الأولى متبغيش تقول متبغيهش يعرف سارة بتوتر:لا لا غير واقفين وصافي طلع حاجب دغيا بغات تصدرو شاف فسلوی وغمزها سلوی ضربات فخادها:ویلي يسارة خليت البوطة شاعلة ومكاين حد غیر البراهش الصغار نمشي نطفي عليها دابا أنا جاية دابا مخلاتش لها فين تهضر مشات تتجري خلاتهم بوحدهم سارة قلبها زاد تضرب بالجهد معرفاتش كيفاش تصرف ولا شنو دیر التوتر غلب عليها بزاف ماشي أول مرة توقف معاه ولكن فضروف أخرى كانت ديك الساعة طيارة وتتخرج عينيها أما دابا من بعد لوقع لها مقدراتش حتی تشوفيه بقا کشوف فيها شحال تنهد قرب جيهتها أكرم:احم سارة شنو واقع؟ سارة ضارت بشوية شافت فيه وهي تترمش عويناتهت بشوية أكرم كطمنها بعينيه:قوليلي شنو کاین؟ سارة شافت فيه كيفاش باغي يعرف مالها تنهدات واخا غتعاود ليه مغتبدل حتى حاجة سارة تنهدات ونزلات عينيها:ضاربت مع مرت بابا وولدها او او خرجاتني من الدار أكرم:وفين غادي تمشي دابا؟ سارة سكتات لوهلة وقالتها بلا ماتحس:معرفتش معندي حتى حد مشافتش جيهتو بقات ساكتة شافيها كيفاش ساكتة وساهية عرف هادي لقدامو داخلها مخبية بزاف دالحوایج مزال صغيرة وكتعيش ضروف كبيرة وصعيبة عليها بزاف وهو كيفاش طلاقاها وكان صعيب معاها مكانش عارف ضروفها ودابا مین عرف شنو عندها ميقدرش يخليها بوحدها بغا يكون معاها وفجنبها أكرم بدون مقدمات:سارة يلاه معايا سارة دغيا ضارت عندو مستغربة ومتفاجئة مخرجة عينيها بقات غير کتشوفيه ومجاوباتش
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
❤ التتمة❤ أكرم:مالك اسارة مجاوبتينيش سارة فاقت من سهوتها وحركات راسها بلا:منقدرش هاستاذ عرفها تقدر تكون فهمات شي حاجة أخرى وضروري تخاف على راسها ولكن داكشي لفهمات مستحيل يوقع ولا يأديها ولكن ضروري يقنعها مغيخليهاش جا قدامها علات راسها فيه مع قصيرة راسها واصل لكرشو خخخ أكرم خشى يديه فجيابو:وفين غادي تبقاي الزنقة صعيبة اسارة وعاد نت بنت وانا دابا طلاقيتك فهاد الظروف منقدرش نخليك من بعد مسمعات كلامو نزلات راسها بقلة حيلة عادي تكون ردة فعلها هكا عادي تخاف على راسها هي ولفات تصدم من البشار ولكن دابا معرفاتش شنو دیر قدامها معرفاتش واش تمشي ولا لا خافت تمشي وتوقع لها شي حاجة ولا تبقى فالزنقة لمتأكدة تقدر توقع لها شي حاجة فيها عرف من سكاتها أنها عايشة صراع مع نفسها عارفها شكتقول فبالها وهو متقبل ردة فعلها كتبقا بنت وهو غريب عليها جامعاهم الليسي ولكن هو نیتو صافية وباغي يعاونها ويكون معاها أكرم:سارة متخافيش حتى انا عندي خواتاتي وكنخاف عليهم ومنبغيش شي حاجة تأديهم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
