💎مكتملة💎
🌸قـــــصـــــة كـامــــلـــــة🌸
⛄قصة مدرسية كوميدية كلها مشاكسات وصراعات بين الاستاذ والتلميذة ولكن وسط هادشي كامل غينفاجر حب شبابي بريء بين زوج الأساتذة على تلميذة وحدة فشكون غينتاصر الحب ديالو وغتكون من نصيبو وياترى شكون فيهم غتبادلو...
🍒أســتــاذان وتــلـــمــيــــذة🍒 🌞الجزء 98🌞 🍪نــريــمـان صــقــر🍪 سلوی بغات تزيد تقلقلها:مممممم زيدي مزال سارة شافت فيها:والو سید دار في خير مضریفش؟ سلوى:احم سارة بغيت نقولك شي حاجة عليه سارة:شنو؟ سلوى:ومتقلقيش سارة:وفكي شنو؟ سلوی:عرفتي راه هو لخبط سيمو ديك نهار وراه هو لقال سيمو لحليمة رلك سيفطيه ليه أو أو الفلوس للقينا عطاهم ليك وانا للحتهم وقلت لك راہ لقيناهم طايحين سارة تصدمات:كيفاش؟ سلوی بغات تفك دغيا:هادشي لکاین مهم بسلامة دابا باستها ومشات خلاتها واقفة مفاهمة والو طالعة فالدروج مزال مفاهمة حتى حاجة ولكن علاش دار هکا دخلات شافت وجها فالمراية جاها فبالها سیمو فاش كان كغوت وواكل العصى ضحكات فنفسها سارة فنفسها:واخا جرات عليك كانت سباب باش تعيشي ایام زوينة تنهدات وهي تتشوف فوجها حطات يدها على شفايفها وتفكرات البارح ديك اللحظة عمرها تنساها حسات راسها مكايناش فهاد العالم كانت كتشوفو غیر هو مزال کتحس بشفايفها دافيين نزلات يدها لعنقها القبلة الطبع عليها خلاها تبورش أول مرة تحس بداك الإحساس فشكل عجبها الحال قبلة خداتها من عند واحد الشخص قلبها كنبض ليه خلاتها تحس راسها فوق الريش وهي بين احضانو لكانت كتحس أنها ملكات الدنيا وهو معنقها حاميها ممخلي حد يقرب ليها كانت ساهية ومهیاش فهاد العالم حليمة وقفات عليها:ابسم الله عليك ابنيتي سارة قفزات:خلعتيني احليمة امالك حليمة:بسم الله عليك اتمالك كتهضري غير بوحدك سارة:والو والو سیري احليمة تكلمي لهنية كانت كتعيط لك قبيلة فبلاصة أخرى رانیا:مهم هاستاذ انا غنجيك لصراحة سارة راه عايشة فواحد الحالة غیر کتبكي وكتقول مبغيتش يمشي مبغيتش هي مزال صغيرة ونت عاونتيها ولقاتك فجنبها فواحد الضروف للنقدرو نقولو ولفاتك ووليتي عندها عزیز هادشي لخلاها تصدم فاش عرفات بلي غتمشي أكرم تنهد:كقلت ليك قلت لها شنو کاین مبغيتش حتی نمشي وتعرفها حتى انا مين شفت حالتها مشيت باش نلغي الانتقال ولكن الطلب دیالي ترفض حيت جاي من النيابة وصافي دفعو الضوسي ديالي رانیا: فهمتك هأستاذ الظروف حتى هي واقفة فالطريق انا سارة بحال ختي مبغيتش تلها على قرايتها ولا تدير شي حاجة خايبة لتخرج لها على مستقبلها أكرم:شوفي هأستاذة أنا هادشي كامل فكرت فيه سارة ماشي مرة ماشي زوج كنت غنطلب منها الزواج ولكن جلست وفكرت ترددت فهاد الفترة قرايتها هي الاولى مقدرتش نحملها مسؤولية كبيرة عليها لهي الزواج كنت غادي نتسنى حتى تشد الباك وداك الساع كنت غادي نهضر معاه ولكن خرجات ليا هاد القضية ديال الانتقال لمكانتش على البال فكرت فيها وفكرت فكلشي انا دابا غادي يسالي العام غادي نرجع نطلب يديها مزال عند كلمتي ويكون خير انشاءالله رانيا تنهدات حركات راسها باہ:انشاءالله عفاك أستاذ انسولك أكرم حرك راسو باه:مرحبا رانيا ترددات شوية:احم واش الأستاذ علي كانت عينيه فسارة هادشي لخلق مشكل بيناتكم أكرم بقا کشوف فيها شحال عاق بيها تاهي ملاشية من جیهتو وتاهو جاها نيشان:علي كان باغي سارة باش ينساك حيت مزال مفكرك رانيا تصدمات:كيفاش؟ أكرم حرك راسو باہ:اه قلتها ليه وهضرت معاه ولكن لفراسو فراسو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
