💎مكتملة💎
🌸قـــــصـــــة كـامــــلـــــة🌸
⛄قصة مدرسية كوميدية كلها مشاكسات وصراعات بين الاستاذ والتلميذة ولكن وسط هادشي كامل غينفاجر حب شبابي بريء بين زوج الأساتذة على تلميذة وحدة فشكون غينتاصر الحب ديالو وغتكون من نصيبو وياترى شكون فيهم غتبادلو...
🍒أســتــاذان وتــلـــمــيــــذة🍒 🌞الجزء 27🌞 🍪نــريــمـان صــقــر🍪 سارة:مالك مجيتيش اصاحبتي خلعتيني جیهان دغيا نزلو دموعها:كنا كنجمعو الرحيل شوية وغايجي الكاميو يديه سارة غنرحلو من المدينة غدا سارة تصدمات:اویلی وکدرتو ليها شكتقولي جیهان بحزن:والله بابا تحول فالخدمة لطنجة وحنا خاص نمشيو دغيا قادينا كلشي تصوري بابا باغي غیر فوقاش يخوي كازا تا من المدرسة قيدني لهیه دغيا سارة دموعها غينزلو صديقة عمرها غتمشي وتبقى بوحدها معندهاش من غيرها هي الوحيدة لكثيق فيها وعزيزة عليها بزاف مقدروش يصبرو تعانقو کتوادعو فرمشة عين غتخليها طبعا الدموع ضروري فلحظة الوداع ولفو بعضياتهم بزاف وعلاش لا وهما صديقات الطفولة من الصغر وصداقتهم بادية ودابا غيتفارقو والصداقة الحقيقة لا تقدر بثمن خصوصا لكانت مع بنات الناس الصح أما دابا فزماننا ولات قليلة ونقدرو نقولو نادرة سارة عينيها مدمعين: غنتوحشك بزاف شكون غادی ينكر عليا ويصوني علي باش يفيقني ويقول لي قراي عندنا فرض جیهان کتمسح لها دموعها: متخافيش مغنحبسش واخا نبعد غنبقا ديما نصوني ليك فالصباح حيت عارفاك نعاسة سارة ضحكات وسط دموعها لمقدراتش تحبسهم جیهان:وغنبقا نقولك حفضي وغنسول على وقت الفروض عندكم باش ندير لك حالة باش تقراي وربي غيسهل هاد العام انشاءالله سارة عاود عنقاتها وحتی جیهان جيهان تتبكي:تهلاي فراسك و حتی نت فاللخر دلعام غانجي وغانکونو ناجحين انشاء الله وغتمشي دوزي معايا الصيف سارة حركات راسها باه وهي تتبتاسم لها وحابسة دموعها بزز جیهان: سلمي لي بزاف على الأستاذ على والأستاذة رانيا وكاع الاساتذة ونقصي من تجاویب معاهم خصوصا مع مول الفيزيك سارة ضحكات وحتی جیهان وتعانقو شحال هما کودعو بعضهم مقادرینش يتفارقو حيت كل وحدة کتکمل لوخرا کشکیو على بعضهم لضحكات وحدة يضحكو بزوج الا بکات وحدة فيهم يبكيو بزوج كانو خواتات ودابا المكتاب فرقهم
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
