أستاذان وتلميذة🍒مكتملة🍒

🍒الجزء 135🍒

🍒أســتــاذان وتــلـــمــيــــذة🍒
🌞الجزء 135🌞
🍪نــريــمـان صــقــر🍪
سارة تتهمس وتنعت ليه بيديها:أكرم بغيت دوك نفاخات
أكرم حرك راسو باه:صافي تنکونو غادين وديهم معاك
سارة عبسات:ولا بغيتهم دابا بنات خوالاتك ولادهم قباح غيفركعوهم
أكرم:صافي غدا نشريهم لك بقاي تنفخي تتطيري
سارة:عيت بزاف الطالون ضرني
أكرم:هاحنا دابا غادين
جيهان عنقاتها:غنتوحشك غنتوحشك یا مصيبتي
سارة معنقاها هادي أحسن صديقة صديقة الطفولة عمرها شافت منها العيب يضاربو يتصالحو ولكن عمر شي وحدة فيهم طعنات لوخرا فضهرها هاد النوع دیال الصحابات ولا نادر فهاد الوقت
سارة باستها:تخافيش انا ماشي بحال ماجدة تزوجات مبقاتش عرفاتنا کنا بزوج غادي نبقاو بزوج وديما غنطلاقاو مغيتبدل والو
جیهان بتاسمات وسط دموعها وعنقاتها:نت راك ختي لولداتها ليا الدنيا
سارة كتمسح ليها دموعها:صافي دابا.ماشي وقت البكی دابا الشطيح والرديح
جيهان مسحات دموعها دغیا:قفرتيها الليلة غتصبحي معندكش الرجلين باش تمشي غدا نجيب لك کروسة ديال جداتي
سارة:تخراي تانت انا فين ونت فين
سلوى:ايه اختي منلقاو منجمعو فيها
علي عنقو: مبروك اصاحبي مبروك
أكرم عنقو تاهو:الله يحفظك
علي:والله بالزواج السعادة ها نت غتشوف
أكرم ضحك وسلم على كاع صحابو لفرحانين بيه كأي أصدقاء کنوضوها نهار واحد فيهم كاتجي نوبتو
الحاج (باباه) عنقو:مبروك اولدي انشاء الله نبقا فالحياة حتى نشوف ولادك
أكرم بأس ليه على راسو:الله يطول لينا فعمرك الحاج
الحاج:ايوا منوصيکش اولدي تهلا فالبنيتة
أكرم ضحك:متخافش هادشي لكاين
سميرة عنقاتها وطبطبات على ظهرها:الله يرضي عليك ابنتي الله يكمل كلشي بیخير راك دابا وحدة من بناتي
سارة: أمين اخالتي ربي خليك
سميرة:ايوا منوصيكش تهلاي لي فولدي ههه
سارة:هو على راسي وعيني
سميرة:ماشي حيت هو ولدي ولكن راك دیتي سيد الرجال ابنتي حنين وتلقايه جنبك فالشدة وتعولي عليه واخا تشوفيه كتعصلذب ولكن راه ربي لعالم بمحنتو وضرافتو والله يكمل عليکم بیخير
سارة بتاسمات عارفة هادشي كامل: أمين
حليمة:وحتى سارة تبارکالله الضرافة والحداكة والراس صغير
سميرة: إياه وأنا غير من الشوفة رتاحيت لها ايوا الله يكمل عليهم بلخير هادشي لنطلبو
حليمة: أمين
وعنقاتها وحتى سارة كتبقا دوزات معاها النص فحياتها وشركو الطعام حليمة نزلو دموعها وهي كطبطب لها على ظهرها
حليمة:المسامحة ابنتي المسامحة الشيطان لحرامي دخل بيناتنا
سارة تنهدات:صافي احليمة لفات مات صافي
حليمة بعدات عليها:الله يرضي عليك ويكمل فرحتك ياربي وراك بنت الناس ربي مغیخیبکش
سارة بتاسمات؛ آمین یاربي
سناء سلمات عليها:امرت خويا غدا ندوز عندك انشاء الله نتفرجو فواحد لمسلسال واعر
هناء:تركي عرفتي شنو واقع دابا لبطال غادي يخطف البطلة