أستاذان وتلميذة🍒مكتملة🍒

🍒الجزء 118🍒

🍒أســتــاذان وتــلـــمــيــــذة🍒
🌞الجزء 118🌞
🍪نــريــمـان صــقــر🍪
رانیا: مبروك مبروك احبيبة مبروك الحمد الله ربي كبير
سارة فرحانة والدموع بداو کنزلو
سارة:ممتيقاش والله
رانیا شادة فيها فرحانة لها:لا راك نجحتي اسارة والحمد الله دابا قراية جديدة غتولي انشاء الله وحتى هي غتنجحي فيها
سارة:انشاء الله ياربي شكرا بزاف بتشجيعكم ليا والله ما كنت ستسلمت واحد الوقت
رانیا:حنا غير سبب ما راك جبتيه بالجهد دیالك
علي وقف حداهم:مبروك النجاح اسارة
سارة بتاسمات:الله يبارك فيك شكرا
علي:خاصنا الحفلة على هاد الحساب
سارة:تستاهلو عاونتوني بزاف
رانیا:ايوا اللالة حنا بغينا توجدي لينا غیر راسك غتشطحي وتردحي
سارة:هههههه بغيت غير امتا تجي السيمانة الجاية والله تنشطح ونغني ومنخلي مندير
علي:وعنداك غير نهار العرس تشدك الحشمة بحال هادي
سارة:لا انا فالأعراس كنسا راسي
بقات کتهضر معاهم من بعد توادعو وهي مشات وقفات قدام الباب كتهضر مع لبنات ودراري تتوادعو مدة قصيرة سلمات عليهم وتمات غادية وهي توقف غير بوحدها قلبها تاني دغيا ناض يجري ويدق بالجهد تقول فالمراطون محدو كقرب ليها وهي كتزاد فيها الخلعة بحال شحال هدا وقف
حداها وهو يبتاسم
أكرم:سلام
سارة توترات:احم سلام
أكرم:کدايرة لباس؟
سارة:حمدالله
أكرم:مبروك النجاح
سارة:الله يبارك فيك ولكن كيفاش عرفتي؟
أكرم:مين تلاحو النتائج أنا أول واحد عرفت
سارة بتاسمات وتمات غادية:بسلامة
أكرم: سارة وقفي
وقفات و عينيها خرجو خايفة منو بحال راهو قباط الرواح كلشي تخلط فيها
أكرم تقابل معاها:سارة بغيت نهضر معاك
سارة تنهدات:نعام
أكرم عارف ماشي هادي لكانت كتكون معاه کتنقز وفرحانة دابا كتصرف ببرود وهو عارف علاش:سارة انا عارف هاد
الشهرين کد ازت وانا كان مفروض عليا نمشي ودابا أنا رجعت ولبغيت نقولك هو
سارة حركات راسها بشوية بلا:شنو هأستاذ
أكرم نيشاااان سيفطها لها:تزوجي بيا
سارة حلات عينيها وتصرفقات هدا غبر حتى غبر وجاي كقول لها متوقعاتش منو هادشي صدمها کن طلب منها من قبل فاش كانت معاه فدارو وفرحانة كانت
غتقبل ولكن دابا تبدل كلشي
سارة جمعات النفس ونطقات: أستاذ بغيتك تعرف واحد لحاجة هو اني انا مغنحاسبکش ولا محاسبتکش علاش مشيتي حيت خدمتك هاديك حياتك هاديك انا مكتربطني تأ حاجة بيك باش نقولك لا وعلاش مزال منسيت شنو
درتي معايا والله يجازيك بيخير
أكرم ببرود:اذن جوابك هو
سارة بعد صمت نطقات عينيه فعينيه:لا انا مكنفكرش فالزواج دابا أنا مزال باغية نقرا مزال بغيت ندير بزاف دالحوایج فحياتي والزواج آخر حاجة نفكر فيها شكرا بزاف شكرا على كلشي كنقولها ونعاودها الله يجازيك بلخير على لدرتي معايا والله يعاونك
حدرات راسها ومشات خلاتو واقف کشوف فيها محبسها موالو لاحت عليه كلامها فرمشة عين وزادت وحدة أخرى
ماشي سارة لكعرف تبدلات عرف ان غيابو أثر على بزاف دالحوایج فيها هو كان متأكد كتحس شي حاجة من جيهتو ودابا تنهد من حقها دیر هكا حیت حس راسو انه غلط معاها فاش خلاها هادشي كامل كضور ليه فراسو وهو واقف کفكر ويعاود