💎مكتملة💎
🌸قـــــصـــــة كـامــــلـــــة🌸
⛄قصة مدرسية كوميدية كلها مشاكسات وصراعات بين الاستاذ والتلميذة ولكن وسط هادشي كامل غينفاجر حب شبابي بريء بين زوج الأساتذة على تلميذة وحدة فشكون غينتاصر الحب ديالو وغتكون من نصيبو وياترى شكون فيهم غتبادلو...
🍒أســتــاذان وتــلـــمــيــــذة🍒 🌞الجزء 88🌞 🍪نــريــمـان صــقــر🍪 أكرم شافيها:شکون؟ سميرة:لعندك فالدار أكرم ضور وجهو وتنهد شافتو مجاوبش وهي تهضر:هي بصح داكشي لقالو للبنات أكرم: شقالو؟ سميرة:بلي راكم مزوجين أكرم بلا مايشوفيها بتاسم وحرك راسو بلا سميرة:وشكون هي شكدير عندك اولدي قول ليا راك هاد الأيام معاجبنيش شواقع أكرم:والو مواقع والو الوليدة هاديك لبنت سميرة: شكون هي؟ أكرم تنهد:هاديك واحد البنت كتقرا عندي (عاود لها شنو واقع) سميرة:ونت اولدي راك عارف الناس فامهم غير محلولین والبنيتة يتيمة مغادي يخلیو میقولو فيها أكرم: انا مهامنيش البشار كتهمني غير سارة بوحدها قالها وهو عاقد حواجبو مسح على شعرو وضار عندها قبل مایهضر هضرات هي سميرة:وعلاش اولدي نت مین دایر هادشي كامل کمل دينك او تزوج بيها دابا نت اولدي تبارك الله خدام وبدارك هادي نص الفرصة سکت خلاها کتهضر هو فكر فهادشي قبل منها فکر يطلب منها الزواج ولكن تراجع معرفش جاو بزاف الأفكار أنها تردها فوجهو ومتبغيش مبغاش يتضر من جیهتها وعاد أول حاجة على الواقف لیه فالطريق أكرم تنهد:ميمكنش الوليدة میمکنش سميرة:وعلاش اولدي علاش حتى لإمتی نت دابا علاين 30عام الله يطول فالعمر شکتسنا أكرم تنهد مبقا باغي يقول والو سمیرة بقات تتشوف فيه عرفاتو بيه شي حاجة وساکت سميرة شدات ليه فيديه: واش كتبغيها؟ شاف فيها مصدوم مکانش متوقع تسولو لهاد الدرجة باينة فيه نزل راسو للأرض وسها:مقدرتش نقولها لها هي مزال صغيرة مزال باغية تكمل قرايتها مغادیش تبغي وهي حاسباني غير هداك لعاونها وصافي سميرة كرزات ليه على يديه وبتاسمات:بلعکس اولدي بلعكس انا واخا معرفاش شنو واقع ومعارفاهاش هي ولكن راه البنت مین کتلقا شي حد ليساعدها ويعطف عليها وتحسو انه راه معاها کیولي عزيز عندها وكيولي عندو مكانة فقلبها تقدر تكون كتحس اولدي شي حاجة من جيهتك تاهی متزربش هما مافهمين والو هو لعارف شنو کاین وشنو واقع وشنو يقدر يوقع حرك راسو باه وبتاسم لها:صافي يكون خیر انشاءالله سميرة:الله يدير لفيها الخير عنقاتو وحتى هو وباس لها راسها ومشات خرجات بدل حوايجو وتکا غمض عينيه واخا ضروري غتجي فبالو ولكن كحاول ميفكر فوالو دازو أيام طایرین سارة: الوقت دغيا کدوز مبقا والو تسالي الدورة الأولى ليوم آخر فرض جیهان:واییه یاصاحبتي غمض عينيك العام سالا حنا كملنا لبارح سارة:ایوا مزيان انا دابا عندي فالفلسفة جیهان: ایوا صافي دايزة عندو هداك ککاین کمكاينش اه قولي لي الأستاذ دلفيزيك كدایر فالحضية مزير؟ سارة:عادي اصلا کشرح لنا مزيان كنفهمو وداکشي لعندنا كحطو کزير مع نقالة منير والطباقة راك عارفة ولكن مکتفنفنوش جیهان:اودي الله يعاون الجميع وصافي ايوا كغادية سارة تنهدات:معرفتش اجيهان فاش نبدا لك الأستاذ مبقاش كتعامل معايا مزيان حاسة بحال تقلت عليه بحالا صافي عيا حتى هو ولكن راہ کن لقيت فين نمشي من ليوم نمشي جیهان:علاش شنو واقع؟ سارة:اختي معرفتش ولا كميك عليا بزاف تصوري فاش ولا کوصلني مبقاش كطلع ولا كحطني حدا لباب وكمشي فاش تنهضر معاه تقولي اه ولا لا وفالقسم رجعني للطاولة الثالثة واخا مخاصنيش نقول هكا ومجامعني بيه والو ولكن مبغيتوش يتعامل معايا هاكا کنمرض
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
❤ التتمة❤ کتهضر وفيها البكية وقلبها كتحس بيه كحرقها دغيا دموعها نزلو وهي تتهضر سارة:جيهان اختي کنبغيه والله جیهان تنهدات:معرفتش اختي والله هادشي معقد قلتي كان معاك مزيان شوية تقلب معرفتش والله زعما يكون فحياتو شي وحدة أخرى سارة نهارت:لكانت بصح والله تنموت منقدرش اصاحبتي راه راه واخا نبقا نقوليك تالصباح مغتعرفيش شنو حاسة بيه يلاه غتهضر وهو يصوني الجرس: مهم انا غنمشي صونات عندي فرض من بعد توادعو ودغيا مسحات دموعها ومزال باغين يخرجو هزات ساکھا ومشات كانت غادية وهو متبعها كان واقف حدا السرجم کشوف فيها ومصدوم مسح على وجهو وتکا على الحيط تنفس بقلة حيلة مبقاش صابر هادشي بزاف
