🍒أســتــاذان وتــلـــمــيــــذة🍒
🌞الجزء 126🌞
🍪نــريــمـان صــقــر🍪
حليمة:سارة فيقي فيقي
حلات عينيها بشوية وتكسلات ناضت جلسات
حليمة:يلاه نوضي نمشيو للحمام راه غنلقاوه عامر
سارة:صافي واخا
ترية:نوضي ابنيتي باش منتعطلوش
حركات راسها باه وناضت وقفات قدام المراية كتجمع شعرها وكتامل فوجها تنهدات وبتاسمات حاسة راسها مرتاحة مین جات حسات بلي تفاجات شوية واخا مرة مرة كتفكر شنو داز ولكن كبقى كلشي من الماضي دازت عامين وهي فمكناس دابا الوقت دغيا داز مزال كتفكر أول مرة
جات کجيها كلشي لبارح ولكن تبدلو شي حوايج ليوم سارة عندها 20عام ليوم سارة جديدة العام التاني ديالها فالكلية
داوزات عامين فمكناس ولكن قلبها مع واليديها فكازا هما لقلبها عليهم شحال مزارتهم ولكن قريب انشاء الله ضروري
مخاص تنزل للكازا
ترية كتهمس:ياختي هضري معاها نت ياك بعد غدا غتمشي نت وزربي قوليها ليها
حليمة:واتي انا راه مزال مقلت ليها راني غادية عاد نقولها جاو فيك الخطاب اويلي
ترية:وصافي قوليها لها بالحمام منها نیت حتى لامشيتي وهي لابغات تبقى غتبقى معايا
حليمة:وصافي انشاء الله
سارة:حليمة ويلاه
ترية:زيدي زيدي
جمعو حوايجهم وقادو سطولتهم وزادو للحمام بتلاتة ترية غير كتشوف فسارة ديما كتقول لختها تهضر لها معاها ولدها بغاها بغات دابا تقولها لها محد حليمة راجعة لكازا من بعد متوفات الوليدة دیالهم قررات ترجع معرفاتش واش غتبغي تمشي معاها ولا لا
حليمة تتلها:وتحمحيمة هي
سارة:وإياه واخا سخون
ترية كتنغز فحليمة لشافت فيها ولمحات لها بعينيها
حليمة:احم بنیتي سارة بغيت نهضر معاك
سارة ضارت عندها:نعام
حليمة:احم وابنيتي نت تبارك الله كبرتي وزوينة وضريفة الله يحجبك وراك عمرتي عين ولد ختي ترية وبغاك للحلال
سارة سكتات غير كتشوف فيهم سمعات الحلال دماغها دغيا جرا للور تفکرات أول واحد تقدم ليها وطلب يدها وكان الرفض من طرفها مزال منساتو هداك واخا كتقول
نسيت ولكن كاين شي حاجة متعلقة بيه فقلبها غيا فاقت
ترية:وشقلتي ابنيتي
سارة حركات راسها بلا:لا اخالتي انا مکنفكرش فالزواج انا مزال طريقي طويلة مزال بغيت نحقق بزاف دالحوايج وحتى إلا فكرت فيه غنختار واحد لبغاه قلبي وسمحيلي انشاء الله طلقاي ماحسن مني لولدك
حليمة وترية شافو فبعضياتهم دغيا زربات عليهم
ترية تنهدات:والله يعاونك ابنيتي الله يعاونك مغنبززش عليك
حليمة:كلشي مکاتیب شوفي سارة انا راني بعد غدا راجعة للدار بیضا ميمتي الله يرحمها هي لكانت مصبراني هنا دابا
غنرجع لداري ونت عطلة دابا من الكلية شنو قلتي تمشي معايا؟؟
سکتات شحال وهي تجاوب:اصلا نت لمعايا فهاد الدنيا غادية معاك
حليمة بتاسمات: الله يرضي عليك
ناضت للبيت وجلسات محستش حتی هزات تيليفونها ودخلات للصورة لمزال عندها ومزال ممسحاتهاش بقات شحال تتشوف فيه فين غادي يكون شادها شنو غيکون دار فهاد العامين يقدر يکون تزوج وشاف حياتو تنهدات وحبسات تفكيرها کتهضر مرة مرة مع رانيا غتكون قالت
لیه راه رحلات ولكن هي عمرها جبدات لها سيرتو بتاسمات فاش تفكرات غترجع لفين تولدات لمدينتها لصحاباتها للدرب لأي حاجة كانت تديرها ولا كتشوفها تما غترجع لها
أنت تقرأ
أستاذان وتلميذة🍒مكتملة🍒
Romansa💎مكتملة💎 🌸قـــــصـــــة كـامــــلـــــة🌸 ⛄قصة مدرسية كوميدية كلها مشاكسات وصراعات بين الاستاذ والتلميذة ولكن وسط هادشي كامل غينفاجر حب شبابي بريء بين زوج الأساتذة على تلميذة وحدة فشكون غينتاصر الحب ديالو وغتكون من نصيبو وياترى شكون فيهم غتبادلو...
