أستاذان وتلميذة🍒مكتملة🍒

🍒الجزء 61🍒

🍒أســتــاذان وتــلـــمــيــــذة🍒
🌞الجزء 61🌞
🍪نــريــمـان صــقــر🍪
وهزات ساکها ومشات مع الدرب مخنزرة بنادم تشوف ويهضر مداتها فحد اصلا ولفات هادشي مع حليمة وولدها ديما بنادم سايق لهم لخبار يلاه غادي ضور مع الدرب وهي تسمع سميتها ظارت كانت سلوی
سلوى:اویلي اسارة ياك لباس فين غادية؟
سارة:دابزت مع هادوك الكنس وحليمة قالت ليا الباب
الحباب
سلوی:اويلي شغديري دابا فين غتمشي؟
سارة تكات على الحيط:معرفتش معندي فين نمشي ولكن عندي شي فلوس جامعاهم غنمشي شي أوطيل رخيص سلوى:لفلوس كتقاداو اسارة غدیباني راسك ليوم وغدا
توحلي يلاه جلسي معايا مرحبا بيك
سارة:الله يحفضك اختي بلا منصدعكم معايا عارفة شغندير غير يلاه معايا نشد طاكسي
سلوی شدات فيها:ناري ياصحبتي راسك قاصح صافي صبري نلبس جلابتي دغيا ونجي
سارة:راك لابسة غير يلاه
سلوی:غیر غیر صبري انا جاية
مشات كتجري بقات واقفة فراس الدرب كتسناها مبغاتش تمشي معاها واخا تلاحت للزنقة حيت هما بزاف دالخوت فالدار وعاد هي نفسها متبغيش تدرم على الناس عارفة بنادم مغيتقبلهاش معاه واخا يبين لها الضحكة فوجهو ولكن الداخل ديالو محاملهاش عارفة هادشي ودايزه بيه
فحياتها تعلمات بزاف دالحوایج من جيهة بنادم حیت شافت منو لمیتشاف شي لخلاها تولي توقع أي حاجة من البشار تنهدات بصح فين غادي تمشي دابا والفلوس لكانت کتجمع كتحید من راسها باش تكملهم بغاتهم باش تقرأ بيهم من ورا الباك ها هما دابا غتخسرهم وعارفة راسها غتحنسر فالأيام لجاية مسحات على وجها وتنهدات شافت جنابها بنادم غادي جاي والوقت بدا تضلام والدنيا عامرة وهاد الناس لدابا معمرين الدنيا غيساليو شغالهم غيدخلو لديورهم وسط عائلاتهم وغتبقا هي فالزنقة مع بزاف بحالها عندهم ضروف وقبلات علیهم الزنقة حسات احساس غریب
وخايب هو أنها تقدر تعیش فالزنقة وتوقع لها شي حاجة
خايبة ولا يهاجموها ذئاب يبغيو يفتارسو لحمها بحال سیمو وهي مزال صغيرة جلسات وشدات فراسها دغيا تقلبات وقلبها بدا كضرب خدات نفس عمیق وتتصبر راسها أن كلشي غيكون مزيان حتى وقفات عليها سلوی
تتنهج:سمحيلي تعطلت عليك
سارة وقفات:يلاه نمشيو
هزات الساك وتماو غادين ساکتین سلوی کتشوفيها كيفاش ساهية وتتضور مرة مرة تشوف فجنابها حتی وقفو
سلوی: انوقفو غیر هنا دابا يدوز شي طاكسي
سارة:يلاه يلاه نزيدو شوية لقدام
سلوى:لهيه الدنيا خاويه وغير صبري
بقاو واقفین سلوی کدور فعينيها حتى شافت شکون
بغات تشوف وبتاسمات وشافت فسارة ودغيا جمعاتها
سلوی:ناري سارة سارة شوفي الأستاذ ديال لفيزيك
عنداك ديري دورة الخضارة
سارة مدارت تحركة:فين فين
سلوى:ضوري بشوية من جيهتك لهيه