💎مكتملة💎
🌸قـــــصـــــة كـامــــلـــــة🌸
⛄قصة مدرسية كوميدية كلها مشاكسات وصراعات بين الاستاذ والتلميذة ولكن وسط هادشي كامل غينفاجر حب شبابي بريء بين زوج الأساتذة على تلميذة وحدة فشكون غينتاصر الحب ديالو وغتكون من نصيبو وياترى شكون فيهم غتبادلو...
🍒أســتــاذان وتــلـــمــيــــذة🍒 🌞الجزء 29🌞 🍪نــريــمـان صــقــر🍪 حلات عينيها بشوية تفوهات شافت شحال الساعة مزال الحال داخلة تال 10:30 بقات فبلاصتها شحال کتکسل سمعات صوت الکامیو فالدرب وهي تنوض شاهقة سارة:ویليي العرس ليوم نسيت ناضت تتمشي وتجي ضروري تحضر صحاباتها دیال الدرب غادين يكونو علاش لمتكونش تا غسلات وجها فطرات خلاتلهم الفطور فوق الطبلة مزال ناعسين لبسات عليها وخرجات مشات للمدرسة بوحدها تنهدات حيت تفکرات جیهان ديما غادين بزوج كضحكو ويتناقزو ويغنيو تكوصلو للمدرسة دخلات للقسم جلسات اللور بوحدها تكات على الطاولة مفيها ليقرا غمضات عينيها حتی حسات بشي حد واقف عليها علي:سارة شكاین؟ سارة ناضت بشوية:والو هأستاذ على شاف فالساعة:دراري غتصوني الساعة الأولى خرجو خمسة دقایق رتاحو ناض القسم کامل خرج بقات غير سارة قالها تبقى كان کهضر فالتليفون وهي جالسة كتسناه وساهية حتى حساتو جلس حداها فالطاولة على:سارة قولي ليا شنو عندك؟ سارة حركات راسها بلا:مکاین والو هاستاذ والله على:وعلاش جالسة بوحدك مكنتيش متبعة تنهدات نزلات راسها لبيها معالم بيها غير الله لا جات تهضر مغتسكتش علي عرف بلي بيها شي حاجة وبغا يعرف كلشي وبغا يعاونها وعندو فضول من جيهتها سارة رفعات راسها:والو هاستاذ غیر صاحبتي جیهان رحلات ومبقاش عندي شي صاحبتي هي لكنعرف مزيان مکنتیقش فغيرها ودابا بقیت بوحدي تنهدات وحطات يدها على خدها وكتشوف فالسرجم وسهات على من هضرتها حس بیها مضرورة وحزينة علي تبسم لها بغا يلطف الجو:الا مشات غترجع وغطلاقاو مرة أخرى وراه عندك التيليفون عيطي ليها وحتى هي تعيط لك هكذا مغتحسيش راها بعيدة عليك سارة تبسمات بشوية مبغاتش تحكر حيت جیهان بالنسبة لها ختها ماشي غير صاحبتها:هه جاتني شوية قاصحة حيت کنت مولفاها کنجیو مدرسة بزوج کنجلسو بزوج إلا مفهمتش شي حاجة كتوريني داكشي علاش غنتوحشها بزاف علي زاد بتاسم:ایوا إلا بغيتي حتى انا عتابريني صديق فينما تحتاجي شي حاجة انا کاین وفأي وقت سارة بتاسمات حتى تسدو عويناتها:شكرا هستاذ على غير ديك الضحيكة لضحكات صافي هي لبغا اه هو مستاعد يساعدها لكانت محتاجاه مبغاهاش تقلق حيت واخا تكون فبالو شي حاجة أخرى كتبقا تلميذة كأي أستاذ يقدر يساعد تلامذو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
