أستاذان وتلميذة🍒مكتملة🍒

🍒الجزء 115🍒

🍒أســتــاذان وتــلـــمــيــــذة🍒
🌞الجزء 115🌞
🍪نــريــمـان صــقــر🍪
دازو ساعات
علي:فين غنمشيو دابا؟
رانیا:للدار دخالتي راه ماما كاينة عندكم دابا
علي:ومنمشيوش نضربو شي دويرة راس فالراس انا وياك
رانيا شافت فيه وهو يغمزها:خلي تالويكاند انشاء الله دابا كتسناونا
علي ديمارا:واخا لبغيتي
كانو غادين وساكتين مرة مرة کهضرو على الخدمة وعلى شنو غيديرو بزوج فالمستقبل حتى فتحات هي الموضوع
رانیا:علي غادي تسمعني مزيان هاد الموضوع خاص ندویو فيه وخاص يتصلح
علي عينيه فالطريق:شنو یاك لباس
رانيا شافت فيه:صاحبك أكرم مخاصش هاد الخصام يطول ومخاصش يكون أصلا حیت نتوما مخاصمين على والو
علي عقد حواجبو ومهضرش شافت فيها وعاود شافت فالطريق
رانیا:علاش سكتي؟
علي:انا مشيت نهضر معاه ولكن مسمعش ليا
رانیا:عادي من حقو حيت راك تانت قلتي لمخاصش يتقال
علي:ولكن مخاصش يخبي عليا
رانيا تقادات فالجلسة:علی ماشي نت صاحبو خاص تحكم فيه كاين شي حوايج عند اي شخص کبغي يخبيهم حتى هو يقدر يكون عندو سبب علاش مبغاش يقولها سارة برأسها مكتخبي عليا والو ومقالتهاش ليا
علي تنهد:معرفتش والله
رانیا:اصلا من هادشي كامل سارة كانت فظروف خايبة هو لعاونها ووقف جنبها مخاصش نلوموه ونردوه خايب بلعکس
علي تنهد وهو كفكر فهضرتها:یکون خیر انشاء الله
رانيا بقات ساكتة وهي طلقها:هو کبغي سارة وباغي يتزوج بيها
علي شاف فيها مصدوم:كيفاش؟
رانیا:اه وحتى هي و دابا كتدير راسها بلي نسات حيت مشى عليها وهو ماشي بيديه كتعرف خدمتنا كدایرة هو مين مشی
بقا فيها الحال كقلت وهو كعيط لها مكتجاوبش وكتقول هي بلي نسيت مهم روينة
علي:ونت مین عرفتي هادشي كبانلي وما لناعس على وذني
رانیا: کنت مزال مع صاحبك كن راك عرفتي تانت
علي:دابا سارة فراسها بلي هو
رانیا:معرفتش حتى قضية الزواج لا مین سولتها قالتلي بغيت نكمل قرايتي وكدا مهم حتى غنصبرو يدوزو الباك ويخرجو النتائج ديك ساعة يحن الله
فبلاصة أخرى
متكية فبلاصتها كتشوف فالتلفازة مرة عينيها فالتيليفون كانت بوحدها فالدار حليمة مشات تجمع مع الجارات
تنهدات دخلات للتصاور وهي تمشي لديك التصويرة نيشان خرجات لها بقات کتشوف فيه قلبها كتحس كدق بشوية
ماشي بالجهد کیف مکان كتشوفو قدامها حاسة بيه كضرها مجروح عضات على شنايفها حسات بالبكية تكات على جنبها وهي كتشوف فتصویرتو نطقات بصوت خافت وفيه نبرة من البكاء:علاش مشيتي شنو درت حتى تخليني هئ علاش
غطسات راسها فالمخدة وهي تتبكي ومقهورة واخا معندهاش الجهد باش تبكي ولمن کتبكي باش تخوي قلبها لعامر وبزاف تقلبات حطات يديها على راسها ودموعها نازلین:علاش كاع الناس لكنبغيهم مشاو عليا علاش علاش كخلیونی بوحدي علاش