💎مكتملة💎
🌸قـــــصـــــة كـامــــلـــــة🌸
⛄قصة مدرسية كوميدية كلها مشاكسات وصراعات بين الاستاذ والتلميذة ولكن وسط هادشي كامل غينفاجر حب شبابي بريء بين زوج الأساتذة على تلميذة وحدة فشكون غينتاصر الحب ديالو وغتكون من نصيبو وياترى شكون فيهم غتبادلو...
🍒أســتــاذان وتــلـــمــيــــذة🍒 🌞الجزء 77🌞 🍪نــريــمـان صــقــر🍪 سارة:الو حبي جیهان:وفين غبرتي اويلي يومين مدويناش ههه سارة:وغير الوقت وصافي سمحيلي جیهان: ایوا نت فالليسي سارة:اه اختي لفيزيك جیهان:ههههه ناري اجي کدايرة مع الأستاذ دلفيزيك شدرتي معااه سارة بتاسمات:ودرت درت بزاف اساطا راك مزال مفراسك والو جیهان:ويلي قولي قولي ضرني راسي سارة:ولا راه قصة طويلة وفيلم فليل غنعيط لك ونعاود لك كلشي كنحس بدات حالتي تصعاب مهم عندي حصة دابا نخليك يلاه بسلامة جیهان.تهلاي هي غنوجد الزريعة ليلة سارة:هههههههه إياه وجدي عشى نت كاع يلاه ابب باي توادعو وقطعات عليها بدا بنادم کدخل عمر القسم سلوی:هاي سارة:افین تلاش مجيتيش البارح سلوی:مقديتش ستحليت العطلة خخخ مجالس حداك حد سارة:لا غير بقاي سلوى:ايوا عاودی لي فین مشیتو؟ سارةہ:انا وشکون؟ سلوی:نت والأستاذ مشيتي مبقيتي رجعتي سارة تنهدات:اودي سلوى:ياختي ربي سيفطو ليك فالوقت المناسب ناري سلوى عارفة كلشي بغات تعرف باش متخليهاش تشك سارة:وإياه الحمد الله دخل وسد الباب شاف فيها حيت كانت جالسة القدام على الباب نزلات عينيها شافت فالدفتار بدات الحصة وبدا معاهم الدرس كانت حتى هي متبعة وتتسمع عينيها عليه ووذنیها خدامین کسمعو شكقول كانت کتشوف فيه كيفاش کشرح لهم و كيفاش كتحرك وحتی هو مركز فالشرح باش يوصل لهم الفكرة ويفهمو سلوي نغزاتها:واهيا سارة:شنو؟ سلوی:کتبي کتبي هزات ستيلو وبدأت تتکب دوزو الحصة ومن بعد خرجو فالليل كانت مربعة رجليها وكتسناها تجاوبها غير طلعات لها بتاسمات دارت لها بيديها هاي👋 جیهان:وافین سارة:هاحنا اختي جیهان:يلاه عاودي عاودي ضرني راس سارة تقادات فالجلسة وبتاسمات:احم احم بدات كتعاود لها كلشي كاع لوقع لها عاوداتو ليها جيهان كانت كتسمع لها وتصدمات هادشي كامل وقع لصاحبتها وهي مفراسهاش سارة والابتسامة ممفارقاهاش: ایوا هادشي لکاین
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
❤ التتمة❤ جیهان:ناري ياختي هادشي كامل واقع ونت دابا جالسة فدارو سارة شافت فجنابها وتنهدات:اه جیهان:ياختي طلع ضريف ولد الناس قليل لدير بحال هکا اساطا سارة دارت يدها على خدها:وایييه عرفتي راه ضريف بزاف تتعامل معايا مزيان غير هو تبقا ديما يسولني فين خرجتي فين مشيتي فين مع شكون هضرتي تصوري حتى مع العشرة مكخلينيش نخرج نتسناه تيسالي وحطات يدها الثانية على خدها جيهان تفركعات بالضحك عليها:ياختي ذوقي الحكام تا نت شوية راه من مسؤولية دابا ضروري خاص يعرفك فين كتمشي فين كاتجي سارة:واياه جیهان:هانت حليمة لخانزة تاهي مساهلاش سارة:اودي كلا الله يعطيه على قد افعالو ونيتو جیهان:وأختي هاد تهنیتي من سیمو ایخ کنکرهو ونت معرفتيش شكون هدا لضربو وجبد ليه سميتك سارة:لا معرفتش وعرفتي راه حتى الأستاذ مدققش بزاف فالتفاصيل حدي قلت ليه دازت معاها وخرجاتني وهو راه أي واحد خاص يسول ويعرف راه غيدخلك لدارو
