أستاذان وتلميذة🍒مكتملة🍒

🍒الجزء 117🍒

🍒أســتــاذان وتــلـــمــيــــذة🍒
🌞الجزء 117🌞
🍪نــريــمـان صــقــر🍪
تنهد و عينيه على الساحة تلفت للكولوار وعاود الدار ولكن شي لشاف خلاه يضور تاني وقف قدامو معرفو مین خرج ليه بقا تشوف مقال والو علي قرب عندو وهو یعنقو توحشو بزاف
علي:سمحليا اصاحبي سمحليا
أكرم حتى هو مقصحش قلبو من جيهتو عشيرو كتبقا لحظة غضب وصافي عنقو حتی هو
أكرم بعد عليه:فوقاش وصلتي؟
علي:الصباح شديت الطريق لبارح بليل
أكرم بتاسم:ايوا مرحبا بيك
دخل معاه للقسم وبقاو کهضرو
أكرم:ايوا اسيدي مبروك الله يكمل كلشي بیخير
علي: الله يبارك فيك ضروري تحضر
أكرم: انشاء الله ههه
علي:مهم بغيت نهضر معاك بخصوص سارة
أكرم دغيا جاوبو باغي يعرف مالها:مالها؟
علي:رانيا عاودات لي أن راه من نهار جيتي هنا سارة مبقاتش هي هاديك واخا كتبين العكس وحتى انا لاحظتها ولات غير معزولة وبوحدها
أكرم:وكدایرة فقرايتها
علي:لا من حيت القراية عندي انا الفرض الأول جابت مزيان ولبغيت نوصل لك تبدلات بزاف
أكرم سكت شوية وهو ينطق:معرفتش رانيا غتكون قالتها ولكن غنعاود نقولها لك انا فآخر العام غادي نجي نطلب يد سارة انا دابا بعيد عليها حتى تشد الباك ومن.بعد غادي ناخدها وغنتكلف لها بقرایتها وبكلشي فهمني اصاحبي
علي حرك راسو باه:فهمت انشاء الله يكون خیر
أكرم:مبغيتش نرجع هاد الأيام بغيت حتى اللخر باش نرجع فدقة
علي:كبانلي غير غنساليو حنا غتبعونا نتوما ترا مايشطح بنادم
أكرم تبسم وهو كفکر بغا غیر فوقاش يجي داك الوقت مصابرش
فبلاصة أخرى
جيهان:توحشتك بزاف الموصيبة
سارة:حتى انا والله
جيهان: انشاء الله مابقا والو ونطلاقاو
سارة:واییه وليت كنحلم غیر بالوطني
جيهان: انشاء الله يكون خير كتوجدي ولا والو؟
سارة:هاني غادية بشوية بشوية
جيهان:اه فكرتيني شكون جابو فبلاصة الأستاذ دلفيزيك
سارة ضورات وجها: جابو ديك لقرينا عندها فالسانكيام رجعات
جيهان:اه مزيانة و ضريفة هاديك (شافتها ضورات وجها) مالك؟
سارة:والو اه شوفي متعطیش لسلوی هاد النمرة الجديدة
جيهان: اصلا بلا ماتوصيني وهي راه غحداك علاش؟
سارة:کتوصل للأستاذ كلشي
جیهان ضحكات:ويلي دایرها بركاكة عليك هانت یاختي الأستاذ راه طايييح
سارة:سکتي صافي قلبي الموضوع مكاين والو دابا كاين غير الباك من غير مكاين تخربيق
جيهان:ههههههه مقلت والو سبحان مبدل الأحوال
بقاو شحال کهضرو على القراية شبعو حتیت بزوجات
💕 بعد شهرين ونصف💕
واقفة قدام باب الليسي حاسة بدنیا دايرة بيها معندهاش الشجاعة باش تزيد للقدام وتدخل تشوف سميتها واش ناجحة قلبها کضرب بالجهد حاسة بالسخفة بلعات ريقها وتشجعات ودخلات كتشوف لكقراو معاها شي فرحان شي مقلق محالفوش الحظ ومكتابش ليه ينجح تقدمات للائحة
وبدات كتقلب بعينيها وقلبها كضرب بالجهد باغي يخرج من بلاصتو حسات بيه نخافض النبض ديالو والنفس خرجات ليها الابتسامة ترسمات على وجها مین شافت سميتها غوتات وبدأت تتنقز فرحانة براسها نجحات اه نجحات شافتها من بعيد کتلوح لها بيديها مشات عندها کتجري تلاحت عليها عنقاتها وهي فرحانة