أستاذان وتلميذة🍒مكتملة🍒

🍒الجزء 116🍒

🍒أســتــاذان وتــلـــمــيــــذة🍒
🌞الجزء 116🌞
🍪نــريــمـان صــقــر🍪
جلسات وجمعات رجليها عندها ومزال التيليفون فيديها ومزال کتبكي:ماما بابا توحشتكم بزاف هئ هئ هئ نتوما مشيتو وانا كنتعذب بزاف هئ هئ هئ مكرهتش نلحق عليكم ونرتاح شوفو هدا هوالأستاذ دیالي كان كقرينا الفيزيك
کتهضر وکتضحك ودموعها مزال نازلين ومرة مرة كتمسحهم بالكم ديال الطريکو:عرفتو انا راه کنبغيه وبزاف فاش دابزت مع حليمة مشيت عندو دوزت ایام زوينة عمرني نساها وهو ضريف بزاف ولكن ولكن
رجعات وجها حزين ومشات الضحكة لكانت دايرة:هو مشی دابا أه مشی مفكرش فيا وهو اصلا معارف والو عادي
يمشي ولكن انا منقدرش نساه منقدرش
طفات التيليفون وتكات كتبكي وتشهق حيت هادشي لبغات بغات غير تفش صافي وترتاح
نهار جدید
كريمة:ايوا دابا امتی نديرو غنتوكلو على الله
سعيدة:انا معندي تمشکل وقتما بغاو ياك ارانیا
رانیا:ها اه
الحاج (أب رانيا): اياه انا منزيدكم غير الله يكمل كلشي مبارك ومسعود
الحاج (أب علي):ايوا اسي الحاج هدا هو النهار الكبير نتناسبو معاكم
طلقاتها سعيدة بواحد التزغريثة تمسعات فالموبل کامل فرحانة ببنتها غياخدها ولد اختها هادشي لكانو باغين من شحال هدا وهاهو تحقق رانيا بوحدها كانت غطیر وتنقز وتفرح براسها فرحتها بوحدها شافتو جاي بتاسمات ونزلات راسها جلس وهو کشوف فيها مبتاسم وضار عند باها
علي:عمي ایوا فوقاش غنتناسب معاك
الحاج مبتاسم:مرحبا بيك اولدي انا أي حاجة متعلقة بالعرس خليوها على حسابي والله يكمل بیخير
الحاج (أب علي):سي الحاج وضروري نتعاونو وحنا ماشي برانيين على بعضیاتنا
الحاج: اسيدي نتوما على رأسي وعينيا وولدك ولدي وبنتي بنتك راه مشارکین الدم او لا
سعيدة:ايوا قولو لينا فوقاش العرس انشاء الله
رانیا:علاش لمنجمعوش كلشي حتى النهار العرس
كريمة :اياه على راحتكم
علي: ايوا صافي العرس الشهر الجاي
رانیا:علي شوية غنزربو زعما من الأحسن حتى الصيف انشاء الله نكونو حيدنا علينا كلشي راك عارف الامتحان الجهوي والباك
علي صغر عينيه:صافي لبغيتي اللالة
الحاج (اب علي):ايوا سيادنا مبارك ومسعود
طلقاتها سعيدة وكريمة بتزغريتة خلات كلشي يعرف بلي ولادهم مقبلين على الزواج والفرحة والنشاط جايين فالطريق
علي همس:مزرباناش
رانیا:وصافي قلت لكاين خلي حتى للصيف ميكون عندنا لا خدمة لا والو نكونو مرتاحين متبعانا حتى حاجة
علي:واجا ميصبرني تالديك الوقت
رانیا:وصافي دغيا غدوز كلها شهرين صافي الوقت كجري
شد لها فيديها وهي تجرها: اويلي بابا
علي:نهار نكتب عليك تعاودي ديريها نخسر معاك
حبسات الضحكة وناضت من حداه مشات تبعات مها للكوزينة كانت هي وكريمة
كريمة:عروستي شحال تسنیت هاد النهار حمدالله
رانيا بتاسمات: حمد الله اخالتي
سعيدة:ايوا دابا تجمعو والمياه وكلشي تقاد امتسالونا شي عراسية فاعلة تاركة
بقاو كضحكو وكقادو العشي عائلة درانيا عارضين على العائلة دعلي ضاحكين وفرحانين حيت هاد اللحظات كانو كقولو شبه مستحيلة
دازو ایام طايرين کان واقف فالكولوار وساهي دازت شهر دابا ومزال مولفش علاش غيولف هو حياتو خلاها تما وجا کحس هاد الشهر والأيام لبقاو غيدوزو عام