أستاذان وتلميذة🍒مكتملة🍒

🍒الجزء 14🍒

🍒أســتــاذان وتــلـــمــيــــذة🍒
🌞الجزء 14🌞
🍪نــريــمـان صــقــر🍪
سعيدة:والبنت افين مشيتي؟
رانیا قفزات:ها شنو؟
سعيدة:طلاقيتي بعلي ولك خالتك هضرتو؟
رانيا:انا لهضرت وخاصني العصی علاش هضرت
سعيدة:علاش شوقع؟
رانیا عاودات لها كلشي
سعيدة:هاي هاي ولكن الهضرة مع ختي دايرها قد راسو
وزایدها بالهضرة من الفوق
رانیا:ماما متقولي ليها حتى حاجة يحسابلهم باغاه ولا
کنضور بیه متقولي لهم والو صافي انا نسیت دابا مین
تجمعنا طريق لفيها هو نقلبها مقادة علي صداعات تاني
سعيدة تنهدات:اودي الصبر وصافي نشوفو هادشي فين غيوصل تصبحي على خیر
رانیا تنهدات وعنقات ماماها لبقات كتمسح لها على شعرها وتهضر معاها بشوية
رانیا:متقولي ليهم والو عفاك صافي براكة علينا مفيا ليحل داك الكتاب ديك الصفحة طويتها وبغیت نسی صافي
سعيدة:صافي ابنتي مغادي يوقع والو ولداراها الله
الكاينة
بقات معاها شوية وناضت خرجات خلاتها فبيتها متكية وساهية فديك الصندوقة إلا فتحات غيتفتحو جروح قلبها مبغاتش تبکي ومبغاتش تنهار يكفي لعانات يكفي البكى لبكات والجرح لتجرحات ناضت بشوية مشات للمکتب دیالها هزات دفتر مزوق فيه وریدات كلمعو وهو کامل وردي واخا كبيرة فعمرها 24عام إلا وأنها بحال شي مراهقة كتضيق ليها الدنيا ولا كتحس راسها مخنوقة كتلتاجأ للكتابة فمذكراتها لكتحسها أنها إنسان کسمع لها كتخوي قلبها بالكتابة فتحاتو ومشات لصفحة من صفحاتو وبدات كتكتب
(بعد ست سنوات من الفراق ست سنوات مشفتوش فيها ست سنوات مجمعاتنا طريق وحدة البارح صدفة غير متوقعة ومکانتش فالحسبان شفتو قدامي رمیت لفات من ورايا وكان خاصنى نكون هازة نيفي للسما ومنهضرش حیت منو جات الدقة لمكانتش متوقعة واخا عفطت على قلبي وهضرت وسولتو على أحوالو كان جوابو بحال السم رغم أن هو لغلط فحقي وقطع لي قلبي إلا أن ني فتحت صفحة مکانتش خاصها تفتح صفحة الماضي الصفحة لتقطعات ست سنین هادي علاش ديما لكتبغيه من قلبك كغذرك وكجرحك كبين لك أنه ملاك ولكن كتجي الصدمة بحال الصعقة كتخليك تشوف الوجه الحقیقي وجه کذاب غذار لعب بقلبك لعطيتیه للشخص الغلط حسیت دابا أنني فتحت جرحة قلبي وكنحس أن لیام لجاية دموعي مغيحبسوش