أستاذان وتلميذة🍒مكتملة🍒

🍒الجزء 133🍒

🍒أســتــاذان وتــلـــمــيــــذة🍒
🌞الجزء 133🌞
🍪نــريــمـان صــقــر🍪
أكرم:كن طحتي مع شي حد مكتعرفيهش منعرف فين غتوصلي معاه حيت ماشي وريقة تيليفون اللالة سارة
حركات راسها باہ:صافي مغنبقاوش نديرها
أكرم:يلاه يلاه
مشات معاه حتى خرجو من الليسي وهي کتشوف فيه بنص عين بلعات ريقها ضروري تخرجها متقدرش تبقا ساكتة وصابرة بزاف وقفات قدامو
سارة: أستاذ غادي نهضر معاك
أكرم طلع حجبانو:واخا
سارة خدات نفس وطلقاتها:شوف هأستاذ انا فكرت مزيان فداكشي لقلتي لي شحااال هدا مهم خ إلا كنت مزال ممزوجش وبغيتي تزوج انا راه كاينة والله منقول لا
غير سكتات وهي تزفر بحال معرفت شنو كانت تقول شافت فيه كتسنا شغيقول
أكرم حط يدو على ذقنو:ممممم مزيان ولكن
سارة بخوف:ولكن شنو مزوج ياك؟
أكرم حرك راسو باه:اه
سارة تصدمات:كيفاش ص ص (حطات يديها على راسها ناري على شوهة) صافي صافي دير بلي مقلت والو صافي سمحليا
ضارت وتمات غادية ويديها على راسها حتی وقفها بصوتو:اه باغي نتزوج
سارة وقفات ضارت ومهضراتش جاي جیهتها حتى قرب عندها:ومین نت قلتي مغتقوليش لا فمكاين حتى مانع
لميخليناش نكونو بزوج
بتاسمات وزفرات تخلعات هزات راسها فيه وبتاسمات:صافي قابل ياك هه زعما قابلين بزوج
ضحك لها وحرك راسو باه محساتش حتی دخلات فيه عنقاتو وهي كضحك وحتى هو حتی هزها من الأرض
معانقين ممدينهاش بلي راهم فالزنقة وقدام ليسي
المهم هو أنهم تجمعو دابا ودغيا من بعد غياب طويل بيناتهم ولكن لمكتاب تصرف دابا وبين بلي مكاين حتى عائق ليخليهم يكونو بعاد علې بعضهم
سارة كتجرف:راني خايفة بزاف هأكرم منقدرش
أكرم هز لها يديها بشوية وباسها:أنا معاك ومخاصکش تكوني خايفة هاد الليلة
سارة بتاسمات وحركات راسها باه:اصلا انا فرحانة غير دابا تقلبت شوية وصافي
أكرم حيد لها زغبة كانت طايحة على خدها:هادي أحسن ليلة فحياتي مخاص حتى حاجة تخليك مقلقة حيت بغيت
نشوفك فرحانة وكنواعدك حياتك كاملة غتكون زوينة ونت معايا
بتاسمات براحة وعنقاتو فرحتها مقاداها حيت غتجمع مع حبيبها لمعاه وهي فرحانة بزاف وحاسة راسها آمنة وقوية
حيت معاه مغيقرب لها حد ومغيأديها حد حيت هو ذرعها لحماها فوقت كانت بوحدها ومزال حاميها ومعاها خرجو من الطوموبیل شادین فیدین بعض سارة بتكشيطة العروس البيضاء مطرزة بخيوط ذهبية كتبري كاملة وحزامها حتى مطرز بحالها ماكياج خفيف ومشيطة دلعريسات والحنينة فيديها جات بحال شي أميرة
وهي عروسة فليلتها ليلة عمرها الليلة لتسناتها شحال وهاهي تحققات الليلة لتمناها أي بنت نهاية قصة حبها مع حبيبها ونهاية أي كوبل وحبيبين كبغيو بعضهم يختمو نهايتهم بالحلال شادة فيد حبيبها لكان عينيه عليها وهما داخلين بالصلاة على النبي وفرحة المعروضين باش
يشاركوهم فرحتهم ويشوفو نهايتهم السعيدة تختمات بما يرضي الله والعبد وهو الحلال تهزات عروستنا فالعمارية
وقدامها عريسها بأنغام الطرب المغربي وهتاف المعروضين حتی هما فرحانين وحیحتهم فالعرس كأي زفاف مغربي ضروري الحيحة والنشاط جيهان وحليمة وسلوي ورانيا
کیشیرو ليها ويغنيو ويسيفطو لها قبلات فالهوى وحتى هي فرحانة براسها وناسها لعاشو معاها قصتها قصة معاناة وحرمان من الواليدين ولكن دابا حسات بلي ضحكات ليها الدنيا حيت تحقق شنو بغات حمدات الله فخاطرها حيت ربي کبیر تقاسي تتقاسي فالأخير کيحقق لك شنو بغيتي
مكافأة على النجاح فاختبار الصبر وهادشي لكان لسارة