أستاذان وتلميذة🍒مكتملة🍒

🍒الجزء 124🍒

🍒أســتــاذان وتــلـــمــيــــذة🍒
🌞الجزء 124🌞
🍪نــريــمـان صــقــر🍪
أروى:ويلاه اسارة الطوموبيل كتسنا
سارة كتلبس صندالتها:واخا بلاتي راه ضراتني
لبساتها وجمعات شعرها شفنجة عرقات بغات غير امتي توصل خرجات من القاعة غادية للطوموبيل وهي تسمع شي حد كعيط لها ضارت شافتو وقفات وتنهدات
أكرم وقف مقابل معاها:مغتمشيش للدار؟
سارة:لا غادي نمشي مع أروى خت رانيا
أكرم:مزيان
سارة:تصبح على خير
وتمات غادية وهو يوقفها بصوتو:مزال عند كلمتك؟
سارة غمضات عينيها وتنهدات قلبها کضرب بالجهد فديك اللحظة حسات راسها بزوج شخصية وحدة مبغاتش
تشوفو وتقاومو وباغية تبعد ووحدة مشتاقة ليه بزاف وفأي لحظة تقدر تضعف قدامو ضارت بشوية وهو يقرب ليها شافت ليه فعينيه لكبينو انه متلهف لجوابها تاني كتحس بيه باغیها شي لخلاها تحس بالدوخة وغتسخف
قدامو تلفات معرفات والو ولكن الحاجة المسيطرة عليها ومزال فدماغو هو قرارها الوحيد
سارة حركات راسها باه:اه أستاذ وتحاجة مغتبدل
أكرم:إلا كانت غير على لقراية انا مستعد نتسناك اسارة انا عارف راسي مشي
سارة قاطعاتو:اه عارفة كلشي هاستاذ نت إنسان مزيان والله يعمرها دار وكنحتارمك ولكن مزال عند قراري الزواج هو آخر حاجة كنفكر فيها الله يجيب لك شي بنت الناس لمزيانة بحالك يارب
أكرم تنهد حرك راسو باه:واخا على خاطرك يلاه بسلامة وتهلاي فراسك
مشی من قدامها وهي تغمض عينيها وحطات يدها على راسها فيقها من سهوتها صوت أروى كتعيط مشات وهي
بالجهد و عينيها تغرغرو الطريق كاملة وهي ساكتة وتتفكر دماغها مكاينش مكتسمعش شكقولو لبنات حسات شوية
أنها تراجعات بقات شحال تتفكر وكتقول هادشي فين غادي يخرج حسات راسها عيات مبقات بغات والو مبغات حد يهضر معاها مبغات حد يقولها علاش و كيفاش مبغاتش ليسولها علاش تاخدات هاد القرار علاش وصلو وهي مرفوعة بغات غیر تحط راسها وتنعس مبقاتش بغات تفكر فوالو
سعيدة:أروي هاد لبنت صاحبتك
اروى:اماما عرفتي كانت تقرا عند رانیا ودابا غتبات معايا جات مع رانيا متقدرش تمشي بوحدها
سعيدة: اويلي لاتمشي مرحبا ابنتي طلعو دوشو ورتاحو
سارة بتاسمات:ربي خليك اخالتي
أروى جراتها:يلاه زيدي
طلعو بزوجات فلاسانسو كانت أروي هازا سماح ناعسة ودخلو حطاتها ومشات جبدات لسارة بيجامة حد ركبة خفيفة
سارة:غير دخلي نت الاولى
اروى:غير دخلي انا غنمشي نجيب ساك حوايجنا بقا فالطوموبیل
دخلات دوشات سارة:صاقي واخا
وخرجات لبسات لبيجامة جمعات شعرها وجلسات فالصالة كتسناهم شافت سماح ناعسة بتاسمات وبقات کدوز يدها بشوية على وجها وهي ناعسة كعجبوها الدراري الصغار بزاف تفكرات حتى هي كانت صغيرة وقد سماح كانت معاها ماماها و حتى باباها كانت فرحانة كتلعب وتضحك
مکانت هازة والو فداماغها معندهاش المشاكل ومضاربة حسبة للدنيا ولكن دابا حياتها فشكل مخربقة كلها هم ومشاكل تنهدات وقربات لسماح باستها