أستاذان وتلميذة🍒مكتملة🍒

🍒الجزء 125🍒

🍒أســتــاذان وتــلـــمــيــــذة🍒
🌞الجزء 125🌞
🍪نــريــمـان صــقــر🍪
أروى: بقاي اصاحبتي مزال الحال مزال غنقصرو
سارة:ضروري نمشي والله مرة أخرى نطلاقاو انشاء الله
أروى:وعفاك غير بقاي اجي نعيطو لرانيا نطلعوها عليها كدوزات ليلتها خخخخ
سارة:ههههههه صافي عيطي ليها داكشي لقالت ليك قوليه لي راه عندك نمرتي هههه يلاه بسلامة
أروى:ايوا على خاطرك نطلاقاو انشاء الله
سارة:ضروري
سلمات عليهم وخرجات من دار العرس ماشي همها تمشي للدار بغات تبقا غير بوحدها بقات غادية بشوية مبغاتش تشد طاكسي بغات تمشي شوية الهوا فنفس الوقت تفكر فراسها فحياتها فشنو لجاي شحال عاد وصلات للدار دخلات لقات حليمة جالسة وكتبكي
سارة جلسات:ياك لباس
حليمة:راك عارفة مي مريضة قاتلاني
سارة:وسیري عندها واش بغيتي الله يحفض والله يطول فالعمر حتى تجيك خبارها عاد تمشي
حليمة:عندك الحق (قربات عندها) ونت؟
سارة:الا بغيتي نقدر نمشي معاك
حليمة بصح ولكن راه غنبقا حتى تبرا عاد نجي ونقدر كاع نبقا تما حيت أنا خلاقیت وكبرت تما
سارة ببرود:صافي واخا غنمشي معاك
حليمة تفاجآت:بصح
سارة تنهدات:اه مليت من هاد المدينة غادي نمشي معاك ونكمل حياتي عادي کیف هنا كيف لهيه
حليمة بتاسمات:نوضي وجدي حوايجك غدا نمشيو انشاء الله
سارة:انشاء الله
ناضت كل وحدة تجمع حوايجها وفكل مرة كتحط شي حاجة فالساك كتفکر كيفاش فنهار وليلة غتخوي المدينة لعاشت فيها حياتها كاملة بغات تخرج منها بغات تمشي من أي بلاصة وماتشوف حتى حاجة لتفكرها بشنو دازي
بغات تنسي كلشي وتكمل حياتها وتعيشها بغات تزيد للقدام ماشي ترجع للور كان بوحدو فالبيت طافي عليه الضو
وساد البالكو الظلام مكبان والو متكي فوق الناموسية حاط يدو وراه عنقو کشوف فالسقف وتتفكر المرة الثانية
هضر معاها كان جوابها الرفض تنازل وعاود فتح معاها الموضوع وكان نفس شي لسمع فالأول حاس براسو منهازم
ومقادر يدير والو علاش ظارت هكاك هو اه مشی ويمكن غلط ورجع وبغا يصلح لفات ويكون معاها ولكن هي لنساحبات تنهد ومسح على وجهو تمنا کن داكشي المخطط ليه هو ليوقع ولكن للأسف لا وهو مبغاش يضغط ميمكنش ليه حيت بغاها تكون مرتاحة مبغاش يبزز عليها کتشوف نهار جديد وخلاها على خاطرها
نهار جديد
بدا الطران كتحرك بشوية کتشوف المدينة فين كبرات غتبعد عليها
بغات تمشي منها معلمات حتى واحد بلي راحلة حيت كتحس أنها كتفكرها بكلشي میمکنش تنسى طفولتها وحياتها ولكن أيامها الأخيرة بالأخص هاد العام كان فشكل متوقعاتش يدوز هكا متوقعاتش اصلا حياتها تبدل وقلبها ينبض لشي شخص میمکنش تجمع هي وياه شخص
خلاها وعاود رجع شخص دخل و خرج من حياتها كيف بغا ولكن مسمحاتش تنهد وغمضات عينيها حاطة راسها على الزاجة