أستاذان وتلميذة🍒مكتملة🍒

🍒الجزء 71🍒

🍒أســتــاذان وتــلـــمــيــــذة🍒
🌞الجزء 71🌞
🍪نــريــمـان صــقــر🍪
نهار جدید
كانت فايقة من بعد ملبسات حوايجها وقادات شعرها كانت فالكوزينة كتسنا الحليب يفيض طفات عليه وكباتو فكيسان ومشات جلسات سمعات الدقان ناضت حلات الباب شافتو هو بتاسمات
أكرم مبتاسم:صباح الخير كصبحتي؟
سارة:صباح النور حمدالله هههه كنت كنحلم بالمدرسة
أكرم جلس:وهانت غادية ليها
فبلاصة أخرى
ناعسة رجل فجيه ورجل فجیه معنقة مخدة و ناعسة
ميتة ماشي غير ناعسة
علي:علاش ارانیا علاش مشيتي ومفكرتيش فيا علاش
رانیا:حیت نت لبدلتيني بوحدة أخری وماشي اي وحدة بنت خالنا اعلي بنت خالنا خليتك باش تاخدو راحتكم
کثر
علي:كنبغيك
رانیا: مبقيتش کنتیق اعلى مبقيتش
هزات ساکها ومشات وخلاتو
رانيا تقلبات وحالة فمها وتتهضر فنعاسها:اجي وحبسني
حبسني متخلينيش نمشي متخلينيش اجي علي علي
اجي بعد من سارة ممممم علي
سعيدة حلات الباب:وانوضي البنت راه غتعطلي على
خدمتك راااااااااانياااااا
رانيا لاحت الغطا وناضت تتفوه ومغضمة عينيها وهي جالسة:فين هو علي؟
سعيدة:اشنووووو علي فدارو اشغيجي يدير عندنا هنا
رانيا حلات عينيها وشافت جنابها عاد سرات معاها كانت تحلم
سعيدة:ممممممم بايتة تحلمي بيه انوضي تهزي مبقاش الحال
سدات الباب ومشات رانيا مسحات عينيها وناضت مشات للحمام غسلات وجها وسنانها وخرجات لبسات قادات ماكياج خفيف من بعد خدات قهوة كحلة ومشات لخدمتها
سارة تتشوف فالطريق:عفاك هاستاذ انا نزل غير هنا
أكرم شاف فيها:علاش؟
سارة بتردد:بنادم إلا شافني احم غيبقا يسول وانا مبغيتش نقول لهم شنو وقع كقلتي لي نت تاحد ميعرف
أكرم حرك راسو باہ:صافي بلاتي أنا غنبلاصي الطوموبيل
هنا وغنزلو بزوج نت غتسبقيني انا غنبقا موراك
سارة تتحيد السطمة:صافي
بلاصا الطوموبيل ونزلات كانت سابقاه هو من وراها غادية وتتفكر كيفاش هاد العام كدایز مكانتش متوقعاه يدوز هكا ويوقعو بزاف دالحوايج ليخلیو حياتها تغير كانت غادية وحاساه من وراها وعرفات مبغاش يخليها تمشي بوحدها بتاسمات متنكرش کعجبها الاهتمام دیالو ليها ويسولها شنو خاصها وشنو بغات كتحسو أنه ممعتابرهاش تلميذة تفرح بزاف مين كجي لعندها واخا متجرآتش تقوليه فين کمشي يبات ولا تسولو معمرها لقات ليهتم بيها من بعد والیدیها واخا يلاه أربع ايام وهي معاه ولكن كتحس بلي راه شحال وهي معاه وعايشة هكا كتحس راسها وحدة أخرى ماشي سارة العادية لتبدل هو أنها حاسة بلي معاها شي حد وماشي بوحدها دخلات الليسي ضارت ملقاتوش من وراها
ومشات للقسم كان عندها الرياضيات ساعتين