💎مكتملة💎
🌸قـــــصـــــة كـامــــلـــــة🌸
⛄قصة مدرسية كوميدية كلها مشاكسات وصراعات بين الاستاذ والتلميذة ولكن وسط هادشي كامل غينفاجر حب شبابي بريء بين زوج الأساتذة على تلميذة وحدة فشكون غينتاصر الحب ديالو وغتكون من نصيبو وياترى شكون فيهم غتبادلو...
🍒أســتــاذان وتــلـــمــيــــذة🍒 🌞الجزء 75🌞 🍪نــريــمـان صــقــر🍪 أكرم بتاسم: الله يبارك فيه كدايرة نت لباس المرأة:الحمدالله فين غبرتي الزواج تلفك علينا سارة حطات يديها على وجها مركات وتزنكات ومزال كتأكد وزايدة فيه أكرم باقي مبتاسم:لا غير الخدمة وصافي الله يكبر بيك هههه المرأة:ايوا الله يعاونك ومبارك مسعود نوصيكم صبرو على بعضیاتكم الصبر هو أهم حاجة ونت ابنتي تھلاي فراجلك مكاينش ليحميك ويكون جنبك من غيرو سارة وهي حشمانة وماركات كتحرك راسها باه والضحكة الصفرة لمبقات بغات تخرج لها تتحرك راسها باہ المرأة وهي داخلة لدارها بشوية كانت مرأة كبيرة فالسن وقصيرة تتمشي بشوية:الله يرضي عليكم حل الباب سارة داخلة وحادرة راسها بحال راه عروسة نیت خخخ جلسات فوق الفوطوي وظارت بغاتو غیر امتى يخرج حيت ليوم حشمات بیما فيه الكفاية كتقلب فالساك دايرة بيه السبة هو كان واقف كتسناها تسالي ساعة مزال كاع مجبدات لكتقلب عليه عاق بيها حشمات والموقف لتحطو فيه طريف عادي تحشم بحال اي بنت تعيا تقزدر توصل للزواج تحشم وتخبا فحوايجها ضحك فنفسو عليها وعلى تصرفاتها أكرم: احم سارة سارة مزال تتقلب:ممممممم أكرم طلع حاجبو:ضوري بغيت نهضر معاك غمضات عينيها بلعات ريقها وضارت بشوية:نعام أكرم قرب جبهتها وجلس حداها:احم قبيلة مخليتکش تخرجي حيت كنشوف شكون كاين فالليسي بنادم راه مساهلش وكل واحد علاش ناوي عاد نتوما راكم واحد الجيل بوحدو عندكم شي فعايل كل واحد علاش ناوي داكشي علاش مثيقي فحد تما خصوصا البنات کشوفو شي وحدة نقية وزوينة راه ضروري لبنات شي كغير من شي وتقدر توصل أنهم يأدیو بعضياتهم سارة حركات راسها باہ:اه عندك الحق حتى انا مكنعمرش بزاف مع بنات الليسي قلیل غیر مع لكانو ساکنین حدانا حیت کنت کنمشي معاهم فالطريق أكرم حرك راسو باه: مزيان مهم نت ردي البال لراسك والموقف دیال دابا غير نسایه زعما مدیریش فبالك من جیهتو هاد المرأة مسكينة من شحال وهيا ساكنة بوحدها وكتبغي تجمع وتهضر مع الناس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
❤ التتمة❤ بتاسمات وهي كتحرك راسها باه مبقاش عندها شنو تقول غير كتحرك راسها باه وبلا أكرم:مهم انا غادي نمشي مزال خدام والا وقعات شي حاجة عيطي عليا سارة:اه صافي أكرم بتاسم:يلاه بسلامة سارة حتى هي بتاسمات:بسلامة خرج وسد الباب وهي تكات فوق الفوطوي كضحك تفکرات المرأة وشنو قالت لهم على الزواج بداتتتبتاسم وقلبها كضرب وفاش قالت لها تهلاي فراجلك ضحكات بالجهد وبدات تتفركل وتفرنس الدرية تسطات وناضت وربعات رجليها وبدات تتقاد فشعرها سارة:مالني انا زوينة لقالها لي والله تنقول آه وتقادات وبدات تتمثل وتتغلض صوتها:احم احم سارة كصبحتي احم احم سارة اجي سارة متمشيش سارة متخرجيش بدات تتضحك وتكات وعنقات المخدة شوية هزات تیلیفونها ومشات ليكونطاكت وبدلات السمية دارت أكرم❤ودارت لها انغوجيستخي عاود دخلات تاني وزادت حداها قلب اخر وطفاتو وعنقات الوسادة وتتفكر فيه
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
