أستاذان وتلميذة🍒مكتملة🍒

🍒الجزء 35🍒

🍒أســتــاذان وتــلـــمــيــــذة🍒
🌞الجزء 35🌞
🍪نــريــمـان صــقــر🍪
سارة:شنو؟
حليمة: زيدي جلسي تبتي غتبقاي غضوري اللهم سیري ضربي لدار شي تسييقة
سارة:باش حسيتي فاش قلتيها انا نبقا مقابلة غير ديك الخربة منفرحش منفوجش کالناس انا ياك
حليمة:الخربة ساتراك وساترانا كن ماهي وقلبي لحنین
کن راك كتهاماي فالزناقي
سارة عطاتها بالضهر وبدأت كتصفق وتشطح فبلاصتها وتغني مع المغني خالقة الجو لراسها وصلات للعروسة وتهزات فالعمارية وقدامها راجلها دایرة بيها عائلتها والشطيح والرديح سارة سهات فالعروسة كتصور مع ماماها ومعانقات تنهدات وهي مبتاسمة وتتصفق من طبعها قلبها بيض تتبغي لخير للناس کیف کتبغيه لراسها مفيهاش الحسد والغيرة جات عينيها فسيمو لغمزها كان واقف هو وولاد الدرب خنزرات وضورات وجها
حليمة:شوفي البنات كيف دايرات مقادات ومحلقات على ريوسهم وحدة تنسيك فلوخرا ونت خاركة عليك هاد الدربالة لشافك يقول غالطيابة
ضارت عندها شافت فيها وطلعات نزلات فيها وناضت
كتعتر جلایلها وعاضة على شفايفها مبغاتش تفکرع عليها سكتات وكمداتها خرجات من العرس وغادية للدار تتمسح العكر وتتبكي مقدراتش تصبر دخلات للدار جلسات فوق السداري تتمسح فالماكياج وتتبكي تبهدلات لیوم بزاف مخلاو فيها غير لنسات تجبدو لها واليديها وتهانت فشرفها من عند شكون من عند أستاذ لكقولو خاصو يشجع جیل
الغد عطاها كلام حرقها ومفكرش فيها مرحمهاش معارفش شنو بيها زادتها مرت باها لقارناتها بكراناتها لمخاصهم والو بواليديهم يصرفو عليهم ويخافو عليهم هي كرهات تلبس مقاد وتباها براسها علاش بنادم مکرحمش متعرفش أن الهضرة لكقول تقدر تجرح الآخر وتبكيه وتضرو فخاطرو
سارة جمعات رجليها عندها وهي تتبكي:علاش تعايروني
علاش هئ هئ هئ هئ مدرت لهم والو على أن كرهت
هئ هئ كن كان عندي بابا وماما میحكر عليا تواحد هئ هئ
غطسات وجها بین یدیها کتبكي وتفش قلبها تخنقات بكثرة مارضات لقلبها عيات من حكرة بنادم وقساوة المجتمع عليها وهي وحيدة معندهاش ليحميها ولا لتحط عليه الراس كتبکي وکتشهق وتفش قلبها حسات بید تحطات على كتفها حتى قفزات كاملة