💎مكتملة💎
🌸قـــــصـــــة كـامــــلـــــة🌸
⛄قصة مدرسية كوميدية كلها مشاكسات وصراعات بين الاستاذ والتلميذة ولكن وسط هادشي كامل غينفاجر حب شبابي بريء بين زوج الأساتذة على تلميذة وحدة فشكون غينتاصر الحب ديالو وغتكون من نصيبو وياترى شكون فيهم غتبادلو...
🍒أســتــاذان وتــلـــمــيــــذة🍒 🌞الجزء 28🌞 🍪نــريــمـان صــقــر🍪 كتغسل فالماعن وحزينة قلبها مقبوط تنهدات وغسلات وجها جلسات فوق واحد الکرسي تما فالكوزينة وكتخمم دابا صاحبتها الوحيدة مشات وغتخلیها بوحدها غتمشي مدرسة بوحدها وترجع بوحدها وتجلس بوحدها هي اصلا بوحدها ودابا کملات کاع الناس العزاز عندها مشاو علاش متمشيش حليمة ومیمشیش سیمو دارو عش العنكبوت بكثرة معششو لها فحياتها تنهدات تنهيدة من القلب قلبها طايب واصلة للعظم ممبیناش مخبية كلشي فداخلها جيهان الوحيدة لكانت کتشكي عليها دابا هاهي مشات عليها واخا يبقى طيلي بيناتهم ماشي بحال الا معاها متقدرش تعاود لها فيه سارة بغات حضن لتحط عليه الراس وتحس بالأمان والحنان لتحرمات منهم أولهم حنان ماماها لي خلاتها وهي طفلة جات زوجة الأب لخدات بلاصتها واخا سارة مساهلاش لها ديما كتدابز معاها ولكن كتبقى مخاصهاش تجاوز معها الحدود حيت الدار فسميتها وهي لعندها باباها مش حتى هو لكان ذرع حاميها ولكن حتى هو تحطم وختافی دابا بوحدها معندهاش الي حميها ويخاف عليها هي وحيدة مسحات دموعها لنزلو وهي كتفکر فحالتها لشاف سارة المشاغبة لمكتسکتش على حقها ميقولش هی راه بنت وحيدة وضعيفة معندهاش ليحن عليها ويعطف عليها ويسولها کیف دایرة مشات لفين کتنعس تخشات فبلاصتها وتكمشات وهي غاطسة وجها فالوسادة فبلاصة أخرى جالس فوق الفوطوي خدام فالبيسي يديه على ذقنو کتحسس لحيتو عينيه فشاشة لبيسي عقد يديه بزوج وهو کشوف فلائحة التلاميذ لعندو شاف إينا قسم طلع ليه 2 بكالوريا علوم الحياة والأرض 1 تفکر الحصص لعندو معاهم وهو نازل بعينيه فالأسماء حتى طاحو عينيه إسم من أسماء اللائحة بسرعة تنسجات ليه صورتها فدماغو وتمتم بلاما يحس:سارة نزل عينيه لیدیه کشوف فيها وتتامل تذكر فلحظة الصباح كيفاش حطات يدها على يدو وترجاتو باش يرد لها طیلي دیالها وردو لها وهادي ماشي من عوايدو وحتى هي ماشي من عوایدها تهضر بآداب علاش لا جيل دليوم يكون مع تیلیفونو ينسی شکارتو فقسم ومينساش تیلی کلیکا على اسمها ودخل لضوسي ديالها طلعات ليه صورتها مزال صغيرة متبسمة طايرة لها السنة الوسطانية فالفك لتحتاني وضاحكة تباينة لها ههه ودایرة کرینات ضحك على تصويرة قرا ملفها كامل من تاریخ زيادتها حتى للأخر بقى شحال حتى حس على راسو سد لبيسي وحنحن فکر بزاف هاد الليلة وناض ينعس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
