💎مكتملة💎
🌸قـــــصـــــة كـامــــلـــــة🌸
⛄قصة مدرسية كوميدية كلها مشاكسات وصراعات بين الاستاذ والتلميذة ولكن وسط هادشي كامل غينفاجر حب شبابي بريء بين زوج الأساتذة على تلميذة وحدة فشكون غينتاصر الحب ديالو وغتكون من نصيبو وياترى شكون فيهم غتبادلو...
🍒أســتــاذان وتــلـــمــيــــذة🍒 🌞الجزء 123🌞 🍪نــريــمـان صــقــر🍪 دازو ساعات كان كلشي واقف وسط القاعة كغني ويصفق وكصورو العرسان الغادي يقطعو الحلوة رانيا كانت لابسة لاغوب بيضة معرية من جهة الكتاف ولاصقة على الخصر ومفتوحة من اللتحت جامعة شعرها على كعكة مع تاج صغير كبري عاودات ماكياج آخر ثقيل مركزة على شفايفها والبوكي دالورد فيديها کتبان بحال شي أميرة كان مدور يديه على خصرها وهي حاطة يديها على كتفو مقادين للصور لكتلتاقط ليهم كذکری الليلة العمر الليلة لتحقق لهم الحلم ديالهم وتجمعو فيها بزوج الليلة لكتمناها كل عاشقين تكون نهاية حبهم طبع قبلة على راسها وهو مبتاسم وابتسامة تدل على الفرحة ديالو وعلاش لا وهو تجمع مع محبوبتو لمدوزش معاها قليل أما هي فكان ربي العالم بفرحتها غادية طير تقدمو يقطعو الحلوة وكل واحد فيهم قدم قطعو الحب حياتو تحت تصفيقات الحضور وكلشي فرحان أروى :غتمشي تباتي معايا ياك سارة حركات راسها باه حيت معندهاش مع شكون تمشي الليل هدا خرجو لبرا کودعو العرسان وكعلنو على انتهاء الزفاف لداز من أروع مايكون خلا الحضور فرحانين وکهضرو على قصة حب انتهت بما يرضي الله والعبد لهو الحلال أحسن حاجة فالحياة تجمع مع شريكك بالحلال تكون راضي على نفسك والله راضي عليك كانو کتسالمو مع العرسان ضروري شوية ديال الدموع واخا تكوني غتبقاي فنفس المدينة قريبة لوليديك ولكن ضروري شوية الحزن حيت غتبدل حياتك كنت لكبروك وعشتي معاهم حياتك ولکت کتفكري غتمشي لدار راجلك ومغيکونوش جنبك ديما مزال ممولفاش كتكون شوية قاصحة فالاول رانيا سلمات على كلشي وصلات عند سارة وعنقاتها سارة:مبروك احبيبة مبروك الله يكمل بیخير رانیا:أمين لعقبة لك حتى نت والله منخلي مندیر فعرسك انشاء الله سارة زادت كرزات عليها عزيزة عندها بزاف عاوناتها ووقفات جنبها حتی رانیا حاسباها ختها الصغيرة أكرم معنقو:مبروك اصاحبي مبروك علي حتى هو معنقو:الله يبارك فيك العقبة ليك حتى نت أكرم بعد عليه وبتاسم شوية:فين هي العروسة هههه علي تنهد عارف شنو بيه:انشاء الله يكون خير عاود تعانق هو وياه كبقاو اصدقاء عزاز على بعض بزاف علي سلم على الدراري صحابو والعائلة وبزوجهم ركبو فالطوموبيل المخصصة لهم باش يمشيو وهما مزال کودعوهم وكلشي کدعي لهم بالدوام والحياة السعيدة حتى تحركات الطوموبيل حطات راسها على الزاجة ومسحات دموعها علي ضار شاف فيها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
❤ التتمة❤ علي:واش حنا ساكنين فاللخر ديال الدنيا راه ديما غنزوروهم وايلي رانيا شافت فيه:وراه ضروري غنتوحشهم مغادیش نبقا ساكنة معاهم علي:مالك مبغاش تسكني مع راجلك رانیا شدات ليه فيديه:هادشي لبغيت احبي علي عینیه فالطريق وشد فيها: اخلينا غتنتعزلو ونسدو علينا ولوحي ليا هاد الهضرة شارجيني مزيان رانيا جمعات يديها عندها وضارت كتشوف فالطريق رانیا:شكون ضمن لك اصلا دابا غنمشيةانسد علیا ونعس اصلا عيت علي شاف فيها مصغر عينيه وحرك راسو باہ:انشاء الله ضار شداتها الضحكة بتاسمات وهي تتشوف فيه مرة مرة كضور تشوف فالطريق عارفاه باغی غیر امتا يوصلو ويدوزو ليلة العمر حتى هي عندها رغبة ولكن متخوفة شوية
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
