أستاذان وتلميذة🍒مكتملة🍒

🍒الجزء 129🍒

🍒أســتــاذان وتــلـــمــيــــذة🍒
🌞الجزء 129🌞
🍪نــريــمـان صــقــر🍪
سارة تتهضر معاه وكضحك:تمشي معايا نديك معايا نهربيك ها
تتبوسو فحنكو وفعنقو وتتضحك وحتى هو تبتاسم لها واخا اول مرة يشوفها تتموت على الدراري الصغار الوحيدين لخاليين من أي حسد او خبث مزال صفحة بيضاء ترتاح معاهم سمعات الحس هزات راسها مبتاسمة عند راسها رانيا ولا اروی ولكن الشخص لشافت خلاها تبلع ريقها وتجيها صدمة رباعية قلبها ناض كجري ويضرب
بالجهد بحال شحال هدا تزيزنات معرفات متقول هو مكانتش متوقعة تشوف أبداأكرم حتى هو نفس الشي تصدم مین شافها معرفش فوقاش جات کان کعرف
أخبارها بعد لمرات من عند رانيا وعلي فاش كانت كتعيط لهم ولا جبد لهضرة مع علي معيطش لها ومسولش فيها صاحبتها سلوى خلاها على راحتها حياتها هاديك شافيها الثوثر کيف ديما فاش كطلاقاو مزال هي هي قصيورة وتتبلق فعينيها عاد هازة الوليد تتبان بحال شي مونيكة
خخخ بقاو شحال کشوفو فبعضياتهم بلا مایهضرو حتی حسو على رأسهم بزوج
أكرم:لباس؟
سارة بتاسمات شوية:حمد الله ونت
أكرم جلس:حمدالله
بتاسمات ونزلات راسها کتلعب مع جاد ومتوترة شوية أكرم شاف فيها شحال من بعد تنهد وضار مزال كتفكر فاش رفضانو وهو كان ناوي الحلال ونیتو صافية من جیهتها وفاش سمع راه رحلات كان بقا فيه الحال وصبر براسو بلي هادشي مكتاب ودابا قدامو متقلقش فاش شافها بلعکس
عرف أنها مزيانة ومعندها والو دخل علي شافو بتاسم سلم عليه وجلس حتى هو جاد بدا كبكي ناضت عطاتو ليه ورجعات لبلاصتها بقا هازو حتی تقیا علیه
علي:امالك اولدي حالف عليا
ناض عطاه لرانيا تاني سارة توترات بوحدهم قلبها كضرب معرفات اروی فین تخشات رتاحت شوية من شافتها جاية
وجلسات حداها
علي: سبحان الله مین کبغي يلاقي شي زوج راه بأبسط الحوایج
رانیا:اه جريت اروی حدایا باش نخليهم بوحدهم شبانلك كاين شي أمل؟
علي:معرفتش مهم بدلي ليه واجي نجلسو ونشوفو هادشي فين غيوصل
رانیا:صافي
مشي علي جلس معاهم وحتی رانيا من بعد مبدلات لجاد وجلسو مجموعین کهضرو شحال حتی ناضت
سارة:غادي نمشي دابا
رانیا:جلسي مزال الحال
سارة:والله خاص نمشي حليمة غتكون كتسنا
رانيا سلمات عليها:لبغيتي ومتغبريش علينا دوزي اروى نوضي سيري معاها
سارة:لا لا ضروري غير خليها ماشي مشكل لبغات تبقا غناخد طاكسي
أروى:معنديش مشكل إلا بغيتي نمشي معاك
سارة:لا غير خليك ماشي مشكل
سلمات عليهم كاملين ومشات غیر خرجات من العمارة تنفسات الصعداء وبقات شحال واقفة وهي تبتاسم تفکرات فاش جات عينيها فعينيه زوج دالمرات وكيفاش ولات
فاش شافتو كلشي ضحكها بدأت تتضحك بوحدها بحال الحمقة إحساس فشكل
أكرم من وراها:تسطيتي؟