🔥🔥القسمة و النصيب 🔥🔥 بالدارجة المغربية

💥 الفصل 48😊

أصبحنا و أصبح الملك لله .. صبح كلشي مفتوون و الدنيا مقلووبة .. خولة لي تشغلات مع نواال مبعدة ما أمكن من الصدااع و ما تتحااكش مع مهى ..

هااذ الأخيرة لي مشاات بالشوية كتسلت لبيتهم بالزربة كتقلب حتى لقاات لي بغاات و ابتااسمات بشر .. قادات مسائلها و خرجاات .. بعد 5 دقاائق دخلات خووخة .. كتبدل بالزربة عليهاا .. هزاات ايكخوون و داارتوا فيديهاا مفتوونة .. يلاه غتقاادوا فوجهها .. صوناا تيليفونهاا ..

خولة: وي يوسف .. صافي وااخاا ها حنا غنتسناوك .. ما غندير واالوو حتى نمشي لصاالون .. اووكااي تهلا فراسك و بالشوية فالطريق .. بيزوو

قطعاات حاسة بيديها كتحررقهاا شعلات فيها العاافية .. مشاات بالزربة غسلاتها من الكريم .. لقااتهاا تنبلات و تلفطاات .. حمممرة و مع بلقة دغياا كتباان فيها أبسط حاجة ..

خرجات مستغربة و مخلوعة .. كن دارتوا لوجههاا غيهبط كاااامل و يتخبز .. هزات ليكخون كتحقق فيه .. مااشي هذاا دياالهاا لا هي متأكدة ماشي هو ..

نوال:(فتحات لباب ) يالاه اصاحبتي

خولة:(حطاتوا و ضارت كتجمع شعرهاا متنااسية الموضوع ) هاا خوك غيوصلناا غير بالشوية بااقي الحاال

💫💫 اليوم الموعوود 💫💫

وااقفة نوال بلبااسها التقليدي المزين بأحلى الحلي و المجوهرات .. و مكيااج سموكي قوي باارز لهاا لوون عوينااتهاا .. و طاالقة شعرهاا العسلي على طوولتووا مع مشطة مجمووع غير القداامي و البقية مبووكلي .. تااج دالعرووسة مزين رااسهاا ..

الابتساامة لي طاالعة من القلب و الفرحة .. خلاو السر يطيييح عليييهاا .. و تطلع كتحمق .. خااصة القلة القليييلة لي شاايفين شعرها من قبل .. تبدلات تماااماا و الكل تبهر بيهاا ..

لالة سعاد: تبارك الله .. الله يحفظها من العيين ..

ركباات فالعماارية و هزووهاا بالاغااني دالعرووسة كيلعبوا بيهاا و يدوروهاا و هي كتشير بيديها لبنات عاائلتها فرحااانة ..

* ألف هنية و هنية و يا لالة .. لالة فالعماارية و ياا لالة .. ألف هنية و هنية يا لالة عرووسة فالعماارية اااه ياا لالة *

من بين الحااضرين وااقفة مهى فالجهة المقاابلة لخولة كتطلعها و تهبطهاا .. خوخة لي كاانت لابسة تكشيطة فالبلوسياال كااملة محجرة على شكل غووب نااحتة جسمهاا و مجرجرة من لوور ..

مقطعة قصيصة خفيفة ناازلة على عوينااتهاا .. لي مقادين و مركزين عليهم بزاااف و باارزين زمردهم لي كيلمع كأنهم جوهرة نااادرة .. مع كونتورينك و عكاار باارز شفاايفها فالغووز بااارد ..

طاالقة شعرهاا لي داارت ليه ليميش خفييف فالكري غير شعييراات جااهاا كيحمق .. مع بوندو داائري محجر بين الأخضر و الأسود جااي على شكل تااج .. و ظفيرااتها مصبغااهم فالبوردوا كتشير لنواال و تبتااسم معاها و تتسيلفى .. غاافلة على العينين لي غيااكلوهاا بقوة الحقد و الكره ..