🔥🔥القسمة و النصيب 🔥🔥 بالدارجة المغربية

💥 الفصل 59😊

يووسف:(خرج عينيه مخلووع منيين بان ليه قميصها مطبع بالدم .. غوت بسميتهاا بالجهد و طاار عندهاا ) خووووولة

خولة:(حناات رااسهاا تشووف فين كيشووف باانلها قميصها مطبع بالدم لي ناازل معااهاا غير شاافتوو و غمضاات عينيهاا حااطة يديهاا على وذنيها كترجف ) الددددم الدددم غنموووت ما بغيتش نمووت لاا لاا 😨😨

يووسف:(عارف عندها فوبيا من الدم جراا عندها مزير على وجهها كيثبثهاا ) نوو ما غيوقع لك واالوو .. (مسح على شعرها و تحنى هزها ) عاادي احبييبة عاادي .. هاا حناا نمشييو للطبييب و ما يبقى عندك واالوو

فتح لبااب بالزربة لقى فوجهوا مريم كتشووف فيه بحسرة و عينيهاا مغرغرين بالدمووع .. بعدا ما خرجات ما قدرااتش تمشي خاافت خولة تكحلها الضواسي معااه .. بقات وااقفة فالبااب كتصنت و هماا صوتهم عاالي و مسمووع تال براا .. شااف فيها بنظرة مقهوورة خصووصا فااش سمع خولة قاالت

خولة: يلا مت سمحيلي ما تااخذيش من خااطرك منيي 😭 بغيت غير تحسي باش كنحس و القهرة لي كتقهريني .. سمحييليي و أناا مساامحااك دنيا و أخرة 😓

يووسف: ماا غيوقعلك واالوو ( دورلها وجههاا عندو و ابتاسم لها بحزن ) كتيقي فياا يااك ؟ (حركات راسها بااه و دموعها نازلين ) متخاافيش أنا معاك

هبط بيهاا كيجري و هي مكمشة فيه كتترعد و وجهاا ولا صففففر .. حطهاا حدااه و قاادهاا و قلع طاااير و مخلووع للأقصى حد .. خصووصا فاش باانتلييه بداات تغييب .. صاافي قلبوو قرب يسكت .. ما حيلتوا للطريق ما حيلتوا ليها يفيقهاا و يخليهاا مركزة معااه .. ماا وصل تاا غفرلوا الله الذنووب ..

دخل بيهاا صااعر كيغوت تاا جاابو البايااص و دخلووهاا بالزربة و هو تاابعهاا تااالف .. تا تسد البااب فوجهووا ... بقى وااقف مبلووكي و مصدووم .. مدة و هو على حاالوو تا خرجاات الفمرلية كتجري و داازت فيه عااد توكد و سولها بلهفة

يووسف: مرااتي ماالهاا !!! شنوو عندهااا !!!

الفرملية: جاها انهيار عصبي

يووسف: و الدم !!!

الفرملية: اييمووغااجيي .. دااباا طلقني نعتق السيدة

يووسف:(طلقهاا و ضرب رااسوا بالجهد مع الحيط ) كلشي منك كلشييي اعععع

هز يديه كيضربهاا مع الحييط و يغوت بحرقة تاا تورماات ليه كتسيل بالدم

أما فالداار فمريم فالبيت مااشية جااية كتغزز فظفارهاا و دموعهاا هوااديين .. كتفكر حالتها و كيفاش كتهضر بحرقة ... بحاال يلا عااد ضربتيهاا بسقلة و فااقت .. ندماات و ندماات و ندماات .. و هضرة خولة كتصوني فوذنهاا و فنفس الوقت كتسول رااسهاا هي شنوو داارتلها هااذ البنت بااش تكرههاا .. ما لقاتش الجواب من غير أنها بغات يووسف لبنت ختها .. لكن هذا ماشي سبب كاافي .. هزات رااسهاا للفووق كتدعي ما يوقعلها واالوو .. ما قادراش تخسر ولدها للأبد بسبب قلة عقلها ..