🔥🔥القسمة و النصيب 🔥🔥 بالدارجة المغربية

💥 الفصل 50😊

👑 القسمة و النصيب 👑

بقلمي✒: 💎خولة الغريب💎

✴✴ الباارت 127 ✴✴

سبقاتها مريم و هي بقات وااقفة شحاال حااضية لبااب .. شداتها البكية من فراقوا و حيت غضباان عليهاا و الأكثر من شنوو جااي و شنو غيوقع و أمانهاا مشى مخليها فوجه المدفع بوحدها ..

تنفساات مزياان و عااد تمشات لجهة الصالون و كلما كتقرب كيتسمع صوت الهضرة و الضحك حدهاا دخلات و هما يسكتوا كيطلعوا فيها بنظراتهم ..

مريم: زيدي ابنتي

ابتاسمات لها و دخلات كتسلم عليهم وحدة وحدة حتى وصلات لعند مهى تماا تزيرااات و رجعات حمممممرة و مع ذلك ما قدراتش ما تسلمش و تتخطااها غتباان قليلة الادااب بامتيااز .. سرطااتهاا بجغيمة دالمااء و كملات ..

داارولها بلاصة حدااهم و جلسات سااكتة و حاانية راسهاا حااساهم كااملين كيشوفوا فيهاا .. و جو من الهدووء و السكااات لدرجة غرييييبة كتجييب الخنقة

مريم:(كباتلها كاس دأتاي و مداتولها ) هاكي ابنتي

خولة:(خذاتوا) شكراا

مريم: بصحة هاا كلشي حدااك ما تحتااجيش نعرضك رااه دااركم

خولة: لهلا يخطيك اخالتوا

ماماها د مهى: عااد جيتوا داابا من فااس ؟

خولة: لا لباارح فليل شدينا طريق .. غير حيت يووسف عندوو شي خدمة و خااف عليا نبقى بوحدي

مهى:(بصوت شبه مسموع ) ويينوو غيااكلووك نتي غير تخرجي فيهم تخلعي بلاد خخخ

خولة: لا رد

ماماها دمهى : ايواا مزياان الخدمة هي هااذي كن حب الله سكنتوا معااهاا و ونستوها مسكينة حسن من هااذ التمرميدة كل وااحد و فين شادهاا

مريم:(تنهدات) ايواا معاامن تهضري .. هاا نواال لي كانت معمرة علياا حتى هي خواات

ختها الثانية: ايوا هاذي هي سنة الحيااة و هاا أميرة مزال معااك و عروسة يووسف حتى هي .. ااش سمااك الله بعداا

خولة: خولة 😊

ختها الثانية : ايوا و هاا خولة تا هي فعمر نواال ديريهاا بحاالهاا و تانتي هااذي بحال ميمتك

مريم:(نقزات بواحد الصوت حتى خلعات خولة لي جالسة حداها ) لا لا لا نواال بنتي هااذييك بلاصتها بوووووحدهاا و حتى وحدة ماا تجي فموطعهاا

خولة:(تزيرات و تزنكات ) الله يخليهاا لك

مريم: أمييين

ماماها دمهى:(نحنحات و بغات تبدل الموضوع ) كااع ما شفنا يووسف .. رااه فبيتوا ؟

مريم: نتي مولات لخير رااه مشى قبيييلة

ماماها دمهى: بلا ما يسلم عليناا ؟ لا لا خصوا يخلص الحق