🔥🔥القسمة و النصيب 🔥🔥 بالدارجة المغربية

💥 الفصل 58😊

👑 القسمة و النصيب 👑

بقلمي✒: 💎خولة الغريب💎

✴✴ الباارت 152 ✴✴

لالة سعاد: ضروري نئولك هاذ الهضرة بااش نرتاح و نكون درت لي عليا و لبائي عليك .. كيفما كنوصيها ديما .. تانتا اولدي ضروري تسمعني

يووسف:(ربع يديه و تكى على الحيط ) وي كنسمع

لالة سعاد :(تنهداات و ركزات فيه بجدية ) عااجبك هاذشي لي واائع ؟

يووسف: ما فهمتش !! حطيني فالصورة كثر .. بااش نفهم علاياش كتهضري بالضبط !!

لالة سعاد : حد ما غينكر بلي نتاا من أطيب خلق الله و خولة عندها الزهر ربي لائاها بيك .. جيتي و دخلتي من البااب و طلبتيهاا للزوااج فعوط ماا تلعب بعئلها و هي باقى صغيرة .. جيتيناا نيشاان و بلا زواائ و كتهضر نيشاان نيشاان .. حد ما غينكر هااذشي لكن يلا عئلتي نهاار جيتي مع لفاميلة .. شنو ئلنا ؟ يلا بغيتي لبنت و بغااتك ما نزيدوكم غير الخير و الاحساان .. لكن رتاه زولنا كبدتنا و عطيناها لك .. تصونها و تحفظها و تئووم بيهاا .. و نهاار لي نشوفوا بنتناا معذبة معااك .. مئهوورة دمعتها ساايلة فخذها .. ما نعرفوك من هنا لهناا .. كااينة و لا لا ؟

يووسف:(تنحنح ) كااين هااذشي كاامل لي قلتي

لالة سعااد : تباارك الرحماان و دابا عااد جاوبني .. وااش عاجبك هاذشي ؟ كل مرة ئااهرها و ممرضهاا وااحد !! و لباارح كيفاش طااحت و كنشوفها كتموت ئداام عيني عااود !! عرفتي و كن يسمع باها بهاذشي غينوض دنيا ما يئعدها فووق راسناا و ما غيخليهاش تزيد دئيئة معاك .. هو من صغرهاا مفششهاا لأئصى درجة ما كيخليناا نغوتوا عليها و لا نحااديوهاا .. و يلا مشى تا ساائ لينا لخباار نهارنا كحل .. هااذشي غير حناا واليديها و خوتهاا .. حرااك نااس ما كتعرفهم ما كيئربووهاا

يووسف:(تنهد و نطق بجدية ) لي كتهضري عليه سميتوا قلت التراابي مع احتراامي ليكم .. هااذشي ما عنديش أناا هنا فالقاموس .. لي غلط كيتعااقب و يدوا فووق رااسوا .. دووك الفشووش لي كتهضري عليهم تعذبت بااش حيدتهم منهاا و رديتها للطريق .. و نصيحة من وااحد دوز أجيااال على يديه ... رجااءا رااجعوا رااسكم رااكم غير كتخربقوا فلخر حنا لي كنوحلوا معاهم .. ما علينا ماشي موضوعنا هذا .. خولة كنعتابرها بنتي قبل ما تكون مراتي .. أكييد ما غيعجبنيش الحال نشوفها فحالة ماشي تال تم .. و غادي نتضر أنا لول ... كنظن ما كاينش داعي لهاذ الهضرة و خصووصا فهاذ الأيام ..

لالة سعاد: كل واحد و طريئتوا كيفاش كيتصرف و كيربي .. و كيفما ئلتي هذا ماشي موضوعنا .. أماا على الهضرة فاعتااذرت منك فلول .. عاارفة ماشي وئتهاا .. مي ئلبي حرئني على بنتي .. و ما عرفتش فوئاش نئدر نشوفك مرة اخرى ..

يووسف:(سااط بالجهد ماا عندوش الخاطر ) أنا بغيت نعرف غير نهااية الحوار شنو ؟ خصك تعرفي حااجة ضرورية و مهمة الميمة .. نسيبك .. لي هو أناا .. أعدى حاجة عندي و كنمقتها بمعنى الكلمة شي حد يهددني و لا يأمرني .. ما عندو معنى هاذ الهضرة الحااجة .. بنتك دااير معاها فوق جهدي و ربي شااهد .. شنو غندير لها كثر ؟ رااحنا مزوجين ماشي مصااحبين !! و المشاكل كيوقعوا فأي عائلة .. و يلا كانت عاوداتلك مزيان و ما نسات واالوو (تبسم باستهزاء بزز بااينة ) رااه خذيتلها حقها .. الواليدة هاذيك ما غنشدهاش و نعصي فيها .. كطلبوا شي حاجة لي مستحيييلة ..